2 KHANG TANGTHU NIHNATE 1:12 - Tedim Bible

¹² pilna leh theihnate nangma tungah hong kipia hi. Nang ma-a kumpite kuamah in a neih ngei loh, nang khit-ate kuamah in zong tua bang a neih loh ding, hauhnate, neihnate, leh pahtawina zong, nangma tungah kong pia ding hi,” a ci hi.

Tedim Bible Revision 2017

¹² pilna le theihna nangma tungah hong kipia hi. Nangʼ ma-a kumpite kuamah in a neih ngei loh, nangʼ khit-ate kuamah in zong tua bang a neih loh ding hauhnate, neihnate le pahtawina zong, nangma tungah kong pia thuah ding hi,” a ci hi.

2 KHANG TANGTHU NIHNATE 1:12 Referans Kwoze

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

2 KHANG TANGTHU NIHNATE 9:22

Tua bangin kumpi Solomon in hauhna leh pilna tawh leitung kumpi khempeuh khupnelh hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

1 KHANG TANGTHU MASATE 29:25

Tua ciangin Topa in Israel khempeuh muhna ah Solomon tungah minthan’na lianpi pia a, Israel sungah ama ma-in kumpi khatpeuh peuh tungah a kipia ngei nai lo kumpi min liatna guan hi.

Thuhilh-sia 2:9

Tua ahih ciangin keima hun ma-in Jerusalem-ah a om ngei mite khempeuh sangin ka lianzaw a, ka pilna zong bei tuan lo hi.

1 KHANG TANGTHU MASATE 29:12

Hauhna leh minphatna nangma kiang pan hong pai a, nangmah in na khempeuh tungah na uk hi. Na khut sungah vangliatna leh thahatna om hi; liatsak nading leh thakhauhsak nading na khut sungah om hi.

Nehemiah 13:26

Israel kumpipa Solomon zong tua bang numeite’ hangin khial hilo ahi hiam? Minam tampite lakah amah tawh a kibang kumpi khat zong om lo a, ama Pasian in amah itin, Israel khempeuh tungah kumpi-in amah koih hi; ahita zongin gamdang numeite in amah nangawn khialsak hi.

Thuhilh-sia 5:19

Pasian in mi khat neih leh lam guan’in, a hauhna nuam takin a nek sak leh, amah lungdamin a sepna thaman ne-in a om ding ahi hi. Tua nopsakna in Pasian’ kiang pan ahi hi.

1 KUMPI MASATE 10:24

Tua ciangin Pasian in ama lungsim sunga a koih ama pilna a ngai dingin leitung buppi in Solomon’ omna zong uh hi.