2 KHANG TANGTHU NIHNATE 1:10 - Tedim Bible

¹⁰ Hih mite ka uk theih nadingin tu-in pilna leh theihna hong pia in; bang hang hiam cih leh hih zah-a a tam hih na mite kua in uk zo ding ahi hiam?” a ci hi.

Tedim Bible Revision 2017

¹⁰ Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in uk zo ding ahi hiam?” a ci hi.

2 KHANG TANGTHU NIHNATE 1:10 Referans Kwoze

1 KUMPI MASATE 3:9

Tua ahih ciangin keimah in a sia leh a pha ka theih theih nadingin na mite uk nading thu theihtelna lungsim na nasempa hong pia in; bang hang hiam cih leh hih a lian a tam na mite kua in uk zo ding ahi hiam?” a ci hi.

Paunak 4:7

Pilna na ngah nading a thupi masapen hi a, na neih khempeuh na bei lawh zongin na zon’ ding ahi hi.

2 SAMUEL NIHNA 5:2

A beisa hunte ah, Saul in kote tungah kumpi ahih lai takin Israelte paikhiatpih in, a tumpihpa in nangmah na hi hi; Topa in nangma kiangah, ‘Nang in keima mi Israelte a cingpa hi-in, Israelte tungah ulian na hi ding hi,’ hong ci hi.” a ci uh hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

2 KORIN NIHNA 3:5

Ahih hangin kote in ko’ siamna suangin komau ut thuin na khat peuhpeuh na hanciam nadingun a hih thei ka hi kei uh hi.

Late 119:73

Nangma khutte in kei hong piangsakin a hong bawl hi; na thupiaknate ka sin theih nadingin kei tungah thu theihtelna hong pia in.

Late 119:34

Nangma thute kemin ka lungsim khempeuh tawh ka zuih theih nadingin thu theihtelna kei hong pia in.

Gamlak-vakna 27:17

“Topa’ mihonte a cing nei lo tuute a bat loh nadingin amaute’ mai-ah pai khia-in amaute mai-ah a tum ding, amaute paikhiatpihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Thu-hilhkikna 31:2

Amah in amaute kiangah, “Tu ni-in kei kum za leh kum sawmnih ka pha hi; note kong mapi zo nawn kei hi. Topa in kei kiangah, ‘Hih Jordan gal khatah na pai kei ding hi,’ hong ci zo hi.

2 KORIN NIHNA 2:16

A kisia mite ading sih dongin sihna namtui i hi hi. Gupna a ngah mite adingin nuntakna a ngah dongun namtui i hi hi. Tua ahih ciangin hih nate tawh kua kilawm ahi hiam?

1 KHANG TANGTHU MASATE 22:12

Amah in Israel tungah nang hong uksak ciangin Topa na Pasian’ thukham na zuih theih nadingin Topa in ngaihsut pilna leh thutelna nang tungah hong pia ta hen.

Paunak 8:15

Kumpite in a gam mite a uk nading, mi ukte in ngeina maan a zat theih nadingin ka huh hi.