2 JOHAN NIHNA 1:5 - Tedim Bible

⁵ Tu-in Tonu aw, thupiakna thak hong gelh bang hi loin eite in a cil pan i neih pen mah hong gelhin, khat leh khat ki-it nadingin ka hong thuum hi.

Tedim Bible Revision 2017

⁵ Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih kong gen thu pen thu thak hi lo a, a kipat cil pek a kipanin i neihsa thupiakna ahi hi.

2 JOHAN NIHNA 1:5 Referans Kwoze

1 JOHAN MASA 3:11

Note in a cil panin na zak uh thu in, Dawimangpa tawh a kipawl a nau a that Kain bang hi loin eite khat leh khat ki-it ding ci-in hong kigen hi.

1 THESALONIKA MASA 4:9

Ute naute ki-itna thu ahih leh, note kiangah gelhin mi khatpeuh kong piak nading a om kei hi. Bang hang hiam na cih uh leh, note khat leh khat na ki-it nading uh Pasian’ hilhna a ngah mi na hi uh hi.

Johan 15:12

“Ka thupiakna ahih leh, keimah in no kong it mah bangin note khat leh khat na ki-it un.

1 JOHAN MASA 3:23

Ama thupiakna in a Tapa Zeisu Khazih’ min eite in umin, ama hong piaksa thu bangin khat leh khat ki-it nading ahi hi.

1 JOHAN MASA 4:20

Mi khat peuhmah in, “Pasian ka it hi,” ci napi-in a u a nau a it kei leh, tua mi in thuzuau gen mi ahi hi. Bang hang hiam na cih uh leh, a muh theih a u a nau a it kei leh, a muh theih loh Pasian bang ci a it zo ding hiam?

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

2 PETER NIHNA 1:7

Pasian biakna lamah nopsakna tungah ki-unau itna, ki-unau itna tungah ki-itna hahkat mahmahin na koih thuap un.

Hebru 13:1

Ute naute ki-itna kip ta hen.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Johan 15:17

Hih in keima thupiakna ahi hi; Khat leh khat na ki-it un.”

2 JOHAN NIHNA 1:1

Upa in, eite sungah kipin eite tawh a omkhawm tawntung ding, thuman thutak hangin, kei-a kipan thuman thutak a thei mi khempeuh in a kiteel Tonu leh a tate ka hong it uh hi cih thu a zasak hi.