2 JOHAN NIHNA 1:4 - Tedim Bible

⁴ Eite in Pa kiang pan thupiakna i ngah bangin, na tate kimkhat in thuman thutak lam zui-in a om uh ka muh ciangin ka lung a dam mahmah hi.

Tedim Bible Revision 2017

⁴ Pa Pasian in eite hong thupiakna bangmahin na pawlpi mite pawl khat in thu a mantakin a zuihna uh mu ka hih manin ka nuam mahmah hi.

2 JOHAN NIHNA 1:4 Referans Kwoze

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

1 JOHAN MASA 2:6

“Ama sungah ka om hi,” a ci mi in tua Zeisu’ gamtat bangin a gamta ding hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Malakhi 2:6

Amaute in thuman taktakte mah hilhin gen uh a, amaute’ kam panin zuauna thu ging khia lo hi. Ka deihna bangin amaute gamta uh a, a khial ding mi tampite, thuman lamah paisak uh hi.

Filippi 4:10

Tu-in zong keimah adingin na phawkkik uh ahih maninah, keimah in Pasian sungah ka lungdam mahmah hi. Ni dangin na hong phawk uh hangin hih theihna thu na ngah kei uh hi.

Galati 2:14

Amaute in Lungdamna Thu tawh kituak thuman thutak bangin a tang takin a zuih loh uh ka muh ciangin mite khempeuh mai-ah Kefas kiangah, “Nang, Judah mi na hi napi-in Judah ngeina bang gamta loin, Gentailte’ ngeina bang na gamtat leh, Gentailte in Judah ngeina bang a zuih nadingun bang hangin amaute zawhthawh thu tawh na bawl hiam?” ka ci hi.

1 KORIN MASA 13:6

gitlohna thu-ah a lungdam thei kei hi, thuman thutak ah a lungdam thei hi,