2 JOHAN NIHNA 1:12 - Tedim Bible

¹² No kiangah ka hong gelh nop thu tampi a om hangin lai tungah laitui tawh gelh ding ka deih kei hi. Note kiangah hong pai-in, khat leh khat lungdamna a kicin’ nadingin note tawh maitang kimu-a kihopih ding ka lamen hi.

Tedim Bible Revision 2017

¹² Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

2 JOHAN NIHNA 1:12 Referans Kwoze

Johan 16:12

“Note kiangah gen ding thu tampi a om hangin tu-in na sang zo kei ding uh hi.

Johan 15:11

Note sungah ka lungdamna om a, note lungdamna a kicin’ nadingin hih thute note kiangah kong gen zo hi.”

Gamlak-vakna 12:8

Amah tawh kam leh kam kiho-in a kitel lo kampaute tawh hi loin, a kitel takin thu ka gen uh hi; amah in Topa’ mel mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

1 JOHAN MASA 1:4

Note lungdamna a kicin’ nadingin hih thute ka hong gelh uh hi.

Hebru 13:19

Keimah in note kiangah a manlang zaw-a kong paikik theih nadingin, kote ading thu hong ngetsak un ci-in kong hansuah hi.

ROM (Romans) 15:24

Spain ka pai ciangin lampi-ah note tawh kimu-in, note tawh kikhawl khawmin, deihna teng a kicin’ khit ciangin tua gamah note hong khakna thupha ka ngah ding hi ci-in ka lamen hi.

Johan 17:13

Tu-in keimah in nangma kiangah kong pai ding hi. Keima lungdamna hih mite sungah a dim nadingin hih thute leitungah ka om lai-in ka gen hi.

Johan 16:24

Tudongin ka min suangin bangmah na ngen kei uh hi. Na lungdamna uh a kicin’ nadingin ngen un, na ngah ding uh hi.”

Hebru 13:23

I sanggampa Timoti a kikhah khitna thu na thei un. Amah in a sawt loin hong tung leh, keimah in amah tawh hong paikhawmin note kong mu ding uh hi.

Filemon 1:22

Tua tham loin, ka giah nading omna mun zong na bawlkhol in. Bang hang hiam na cih leh, nangma thungetna hangin na kiangah tun’ theih nading thu ka ngahkik ding ka lamen hi.

Johan 3:29

Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

3 JOHAN THUMNA 1:10

Tua a hih ciangin ka hong pai ciangin amah in a bawlna thu ka phawksak kik ding hi. Amah in en’na, siatsak nopna kam tawh kote hong kosia tham loin, ute naute ama innah a tungsak nuam kei hi. A tungsak nuam mite zong khamin, pawlpi sung pan a hawlkhia hi.