2 JOHAN NIHNA 1:1 - Tedim Bible

^1-2 Upa in, eite sungah kipin eite tawh a omkhawm tawntung ding, thuman thutak hangin, kei-a kipan thuman thutak a thei mi khempeuh in a kiteel Tonu leh a tate ka hong it uh hi cih thu a zasak hi.

Tedim Bible Revision 2017

¹ A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.

2 JOHAN NIHNA 1:1 Referans Kwoze

1 JOHAN MASA 3:18

Ka ta neute aw, eite in kampau bek tawh ahi zongin, leii bek tawh ahi zongin ki-it loin, sepna bawlna tawh a mantak ki-it ni.

1 TIMOTI MASA 2:4

Tua Pasian in mi khempeuh in gupna ngahin, thuman thutak a theih nading a deih hi.

Johan 8:32

Thuman taktak zong na thei ding uh a, tua thuman thutak in note hong suaktasak ding hi,” ci-in a gen hi.

2 JOHAN NIHNA 1:5

Tu-in Tonu aw, thupiakna thak hong gelh bang hi loin eite in a cil pan i neih pen mah hong gelhin, khat leh khat ki-it nadingin ka hong thuum hi.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

2 JOHAN NIHNA 1:13

A kiteel na naunu’ tate in nang hong hopih uh hi.

1 JOHAN MASA 2:21

Note in thuman thutak na thei loh manun lai hong gelh ka hi kei hi. Note in thuman thutak na thei uh ahi zongin, thuzuau khat beek in thuman tawh kipawl lo ahi zongin na theih manunah lai kong gelh hi.

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.

Hebru 10:26

Bang hang hiam na cih uh leh, thuman i theih khit ciangin i deihna zui-in i mawh kik leh, a nung ciangin mawh maisak nading biakna a om kei ding hi;

Galati 5:7

Nidangin note in a pha takpi-in na tai uh hi. Thuman thutak na ngaih loh nadingun a kua in hong kheem hiam?

Galati 3:1

Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?

Galati 2:14

Amaute in Lungdamna Thu tawh kituak thuman thutak bangin a tang takin a zuih loh uh ka muh ciangin mite khempeuh mai-ah Kefas kiangah, “Nang, Judah mi na hi napi-in Judah ngeina bang gamta loin, Gentailte’ ngeina bang na gamtat leh, Gentailte in Judah ngeina bang a zuih nadingun bang hangin amaute zawhthawh thu tawh na bawl hiam?” ka ci hi.

Galati 2:5

Thuman thu ahi Lungdamna Thu in nomau sungah kip-a, a om nadingin kote in tua mite thu mitphiat sung nangawn ka mang ka ngai kei uh hi.

Luka 1:3

Keimah in zong tua thu khempeuh a cil panin tel takin ka dot ciangin

Sawltak 11:30

Tua mah bangin a bawl uh a, upate kiangah Barnabas leh Saul te’ khut tawh a khak uh hi.

ROM (Romans) 16:13

Topa’ teelsa Rufas leh a nu ahi, ke’n zong nu ka cih, na hopihsak un.

1 PETER MASA 5:13

Ka tapa Marka akipan Babilon khuapi sungah a om note tawh a kiteel khawm pawlpite in note hong hopih uh hi.

3 JOHAN THUMNA 1:1

Upa in a man takin ka it Gaias kong zasak hi.