1 PETER MASA 4:3 - Tedim Bible

³ Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

Tedim Bible Revision 2017

³ A beisa hunah dawi biateʼ gamtat bangin a hoih khop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

1 PETER MASA 4:3 Referans Kwoze

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Efesa 5:18

Hong khamsak thei leenggahzu tangin, Kha Siangtho tawh kidimin om un.

1 PETER MASA 1:14

Note in siamna na neih loh lai takun deihgawhna thu tu-in zui loin, thu a mangthei naupangte bangin piang un la,

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

Galati 5:19

Si-le-sa’ gamtatnate a kilang zo hi. Tua gamtatnate in: numei tawh mawhna, kihhuai gamtatna, lunggulh luat khialhna,

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sau vei lua zo ta hi. Na ngongtatnate uh leh mi na nenniamnate uh khawl un la, thuman thutangin na sem un. Amau leitang panun ka mite notkhia nawn kei un. Topa Pasian keimah in hih thu kong gen hi.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Ezekiel 44:6

A lehdo thei hih Israel mite’ tungah Topa Pasian keimah in ka gen thute, hih bangin gen in. No Israel mite aw, a beisa hun-a a muhdahhuai na gamtatnate khempeuh uh khawl un.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

2 KORIN NIHNA 12:21

nidang hunin khialin kihhuai gamtatna, numei tawh mawhna, huk luatna, lan luatnate hih kha-in, tu dongin kisik lo-a om mi tampi hangin lungsim nuam loin ka thuum a, note mai-ah ka Pasian in kei hong niamkhiatin amaute hanga hong kidahsak khak ding ka lau hi.

1 KORIN MASA 12:2

Note in Gentailte na hih lai takun, bang ci lam tawh na zuih uh ahi zongin, a pau thei lo milim omna lamah a zui mi na hih ngei uh na thei uh hi.

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Jeremiah 16:18

Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

Isaiah 65:4

han sungah tu-in, mun simtham ah zanin mi site thu a dong mite, voksa ne-in amau beel sungah dawi biakna sa mehtui a nei mite,

Isaiah 5:11

Zingsang tungin tho-in, kham theih zu delhin, leenggah zu in amaute a satsak pialpual matengin nitakin a tut kho mite in gimna ngah ta hen!

2 KHANG TANGTHU NIHNATE 15:8

Asa in Oded’ tapa Azariah’ thugenkholh, hih thute a zak ciangin amah hong hangin, Judah gam khempeuh leh Benjamin leh Efraim mualtung gam panin a laksa khuapite panin a kihhuai milimte lakhia a, Topa’ innlim mai-a om Topa’ biaknatau puah hi.

1 KUMPI MASATE 21:26

Topa in Israel mite’ mai-ah a hawlkhiat Amor mite bangin milimte zui-in a kihhuai mahmahin gamta hi.

2 SAMUEL NIHNA 13:28

Tua ciangin Absalom in a nasemte thu pia a, “Amnon’ lungsim leenggahzu tawh a lungnop ciangin ciamteh un la, note kiangah, ‘Amnon sat un,’ kong cih ciangin amah that un. Lau kei un; note thu hong pia khin hilo ka hi hiam? Hang un la, thahat un,” a ci hi.

Jeremiah 16:11

Tua ciangin nangmah in amaute’ kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.