1 PETER MASA 3:3 - Tedim Bible

³ Numeite kizepna pan samphekna, kham leh suangmanpha leh puansilhna ahi pualam kizemsak loin,

Tedim Bible Revision 2017

³ Na hoih nadingun puatham kizepna ahi sambawlna, kham le suangmanpha tawh kizepna, puan hoih nono silhnate na bulphuh kei unla,

1 PETER MASA 3:3 Referans Kwoze

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Jeremiah 4:30

A kisia ding nangmah in bang cih ding na hi hiam? Puan san silh-a kham tawh na kizep liatluat hangin, na mitte zemin na golsak hangin, a mawkna-a kizem na hi ta hi. Na lawm ngaihte in nang hong paaikhia uh a, hong that nuam uh hi.

Jeremiah 2:32

Nungak khat in a kizepnate a mangngilh thei hiam? A kipi mothak nu in a mothak puante a mangngilh thei hiam? Ahih hangin ka mite in sim zawh loh ni tampi a hong mangngilh uh hi.

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

Paikhiatna 33:4

Mite in hih thusiate a zak uh ciangin amaute thuum uh hi; kuamah kizem lo uh hi.

Piancilna 24:53

Nasempa in ngun leh kham kizepnate leh puante hong suahkhia-in Rebekah pia hi; a sanggampa leh a nu zong a manpha kizepnate pia hi.

Piancilna 24:47

Tua ciangin, ‘Kua’ tanu na hi hiam?’ ci-in amah ka dong hi. Amah in, ‘Nahor leh a zi Milkah’ tapa Bethuel, tanu ka hi hi,’ hong ci hi. Tua ahih ciangin a nak tungah nakbah ka batsak a, a khut tungah taute ka butsak hi.

Piancilna 24:22

Kalaohte in tui a dawn khit ciangin mipa in shekel lang a gik kham nakbah khat leh shekel sawm a gik kham tau nih tua nu’ khut adingin la a,

Late 45:9

kumpite tanute, numei uliante lakah om a, na taklam ah Ofir gam khamte tawh kizemin kumpinu a ding hi.

Paikhiatna 38:8

Amah in kikhopna buk kongkhakah na a sem numeite’ limlangte panin sumngo tawh kisilna kuang leh a ngakna bawl hi.

Paikhiatna 32:2

Aaron in amaute' kiangah, “Na zite, na tapate leh na tanute uh’ bil tungah a om kham bilbahte sutkhia un la, kei' kiangah tuate hong paipih un,” a ci hi.

Ezekiel 23:40

Amaute in gamlapi-a om mite a sam dingin kamtai sawl uh a, a sap mite hong pai uh hi. Hih numeite kisilin, a mit uh zeemin, kizepna a manpha a tuamtuamte tawh kizemin kipuah uh hi.

Esther 5:1

A ni thum ni-in Esther in a kumpi puan silhin kumpipa’ inntual sung nungah ding-in kumpi inn lam nga hi; kumpi inn sung a kumpi tokhom tungah kumpipa tu-in kongpi lam nga hi.

Paikhiatna 35:22

Tua ahih ciangin pasalte leh numeite, amaute hong pai uh hi; utna lungsim a neite khempeuh in tukkilhte, bilbahte, min gelhna zungbuhte, leh banbuhte ahi kham tawh a kibawl na namkim hong paipih uh a, a milip in Topa' tungah kham tawh piakna ap uh hi.

Paikhiatna 3:22

numei peuhmah in a vengte leh ama' inn sunga om pak mite' kiang panin ngun leh kham tawh kibawl kizepnate leh puante ngen ding uh a, na tapate uh leh na tanute uh tungah tuate na koih ding uh hi, tua bangin note in Izipt mite’ na na sut ding uh hi,”' ci hi.

2 KUMPI NIHNATE 9:30

Jezre-el ah Jehu hong tun’ ciangin Jezebel in a thu za hi; amah in a mitte zutin a lutang zeem a, kongvangneu ah khuadak hi.