1 PETER MASA 1:3 - Tedim Bible

^3-4 Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

Tedim Bible Revision 2017

³ I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

1 PETER MASA 1:3 Referans Kwoze

1 JOHAN MASA 5:4

Bang hang hiam na cih uh leh, Pasian’ pian’sak peuhpeuh in leitung a zo thei hi. Eite upna in leitung zawhna ahi hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

2 KORIN NIHNA 1:3

Hehpihna Pa leh hehnepna apawl pawl khempeuh’ Pasian ahi, i Topa Zeisu Khazih’ Pa leh Pasian in thupha ngah ta hen.

1 JOHAN MASA 3:3

Hih bang a lamen mi khempeuh in Topa a sian’tho bangin amau pumpi uh zong a kisiangthosak uh hi.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

1 JOHAN MASA 2:29

Amah in midik ahih note in na theih uh leh, dikna thu a sem mi khempeuh in zong ama pian’sak mi ahi uh hi, cih na thei uh hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Paikhiatna 34:6

Ama' mai-ah Topa pai-in, “Topa, Topa, hehpihna nei-in a dik Pasian, lungduai-in itna kip leh thutakna tawh a dim,

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

1 TIMOTI MASA 1:14

Eite Topa’ hehpihna thupha in zong Khazih Zeisu sungah a om upna leh itna tawh, a kigen khin zo loin tamin a om hi.

Efesa 2:4

Ahih hangin hehpihna tawh kidim Pasian in eite hong it phat maninah,

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

1 KORIN MASA 15:20

Tu-in Khazih in misite lakah a gah masabel suak a, sihna pan a thokik zo hi.

1 KORIN MASA 13:13

Tu-in upna, lawpna, itna hih thute thum a om uh hi. A thumte sungpan itna thu a lianbel hi.

1 JOHAN MASA 3:9

Pasian’ pian’sak mi in ama sungah Pasian’ khaici a om man-inah mawhna a bawl zom thei kei hi. Amah in Pasian’ pian’sak mi ahih maninah a mawh nuam kei hi.

Hebru 3:6

Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Kolose 1:27

Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.

ROM (Romans) 8:24

Eite in lametna hangin gupna i ngah hi. Ahih hangin lametna in i muhsa ahih leh, lamet nading a om kei hi. Bang hang hiam na cih uh leh, a muhsate kua in a lamen nawn ding hiam?

ROM (Romans) 8:11

Zeisu a thokiksak Pasian’ Kha Siangtho in note sungah a om leh, Khazih Zeisu a thokik sakpa in, note sungah a teeng a Kha Siangtho hangin, a si thei na pumpi uh zong hin’na a pia ding hi.

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

ROM (Romans) 4:25

Tua Topa in eite khialhna hangin kipia a, eite in dikkisakna i ngah nadingin a kithosak kik hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 41:13

Israel Pasian, Topa in khang tawntungin thupha ngah ta hen! Amen, Amen.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phat in, a lu uh kun uh a, Topa bia-in kumpipa tungah zahtakna bawl uh hi.

1 KUMPI MASATE 8:15

Tua ciangin amah in, “Izipt panin ka mi Israelte ka paikhiatpih huna kipanin keima Min a om theih nadingin inn khat lam nading Israel minam khempeuh sungah khuapi khat zong ka teel kei hi; ahih hangin ka mi Israelte tungah a uk dingin David ka teel hi,’ ci-in ka pa David tungah a kam tawh a ciamsa thu a tungsak Israel Pasian, Topa in thupha ngah ta hen.

1 JOHAN MASA 4:7

Ka itte aw, eite khat leh khat ki-it ni. Bang hang hiam na cih uh leh, itna in Pasian kiang panin hong pai hi. A it thei mi khempeuh in Pasian’ pian’sak mi hi a, Pasian a thei hi.

1 THESALONIKA MASA 4:13

Ute naute aw, muan’na a nei lo midangte a dah bangun note in na dah loh nadingun a si mite’ thu thei loin na om ding uh ka deih kei uh hi.

Galati 6:16

Hih ngeina a zui mi khempeuh tungah ahi zongin, Pasian’ Israel mi pawlte tungah ahi zongin nopna leh hehpihna om ta hen.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

1 PETER MASA 1:13

Tua ahih ciangin lungsim kawnggak gakin om un la, khuaval zulhtat loin Zeisu Khazih a kilat ciangin note kiangah hong tung ding hehpihna thupha lamen khin takpi-in om un.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

1 PETER MASA 3:5

Bang hang hiam na cih uh leh, Pasian lamenin a om numei siangthote in zong tang lai-in tua bangin a kizeem uh hi.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

2 KHANG TANGTHU NIHNATE 31:8

Hezekiah leh uliante hong pai-in a lomte a muh uh ciangin amaute in Topa leh ama mi Israelte thupha pia uh hi.