1 JOHAN MASA 5:3 - Tedim Bible

³ Bang hang hiam na cih uh leh, Pasian’ itna in ama thupiaknate zuihna ahi hi. Pasian’ thupiaknate zong a haksa lua ahi kei hi.

Tedim Bible Revision 2017

³ Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

1 JOHAN MASA 5:3 Referans Kwoze

Johan 14:15

“Kei nong it uh leh, ka thupiakna na mang ding uh hi.

Johan 15:10

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

2 JOHAN NIHNA 1:6

Ama thupiaknate bangin i thuman’na in ki-itna ahi hi. Note in thupiakna tawh kituak a, na gamtat nadingun a cil panin no na zak uh mah bangin ama thupiakna in tua bang deihna ahi hi.

1 JOHAN MASA 2:3

Eite in amah bang i ci theih tel thei ding hiam na cih uh leh, ama thupiaknate i zuih leh, i thei ding hi.

Thu-hilhkikna 7:9

Tua ahih ciangin Topa na Pasian uh Pasian hi a, amah itin a thupiakna a zuite tungah khang tul khat dongin thuciamna leh itna kip lenin a thuman Pasian,

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

ROM (Romans) 7:22

Ka sung mi hangin Pasian’ Thukham a pha ka sa hi.

Johan 15:14

Note in ka thupiakna bangin na hih uh leh, ka lawmte na hi ding uh hi.

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

Hebru 8:10

A nung ciangin Israel’ innkuanpihte tawh ka thuciamna in, keimah in ka thukhamte, Amaute lungsim sungah ka guang ding hi, a lungtang uhah ka gelh ding hi, amaute Pasian ka hi ding hi, amaute in ka mite ahi ding uh hi.

ROM (Romans) 7:12

Tua hi a, Thukham in a siangtho hi. A thu in zong a siangtho, a dik, a pha hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Late 119:140

Na thuciamnate lim takin ki-entel zo a, nangma nasempa in deih mahmah hi.

Late 119:45

nangma thuhilhnate zuih ding hanciam ka hih manin, nuam takin ka nungta ding hi.

Thu-hilhkikna 5:10

ahih hangin kei hong it-in ka thupiakte a zui mi a tul tampite tungah itna kip a lakpa ka hi hi.

Paikhiatna 20:6

ahih hangin kei hong it-in ka thupiakte a zui mi a khang tul tampite' tungah itna kip a lakpa ka hi hi.

Mattiu 23:4

A gik mahmah, a puak hak van guangin, midangte’ liangko tungah a suat uh hangin, a khutme nangawn uh tawh khin nuam lo uh hi.

2 KUMPI NIHNATE 18:6

Bang hang hiam cih leh amah in Topa kip takin len hi; amah zuihna panin kihemkhia lo a, Topa in Moses a thupiak thupiaknate zui hi.