1 JOHAN MASA 4:2 - Tedim Bible

² Pasian’ Kha Siangtho theih nadingin Zeisu Khazih mipum bangin hong pai zo hi ci-in a mang kha khempeuh in Pasian tawh kipawl hi.

Tedim Bible Revision 2017

² Pasianʼ Kha sawlna tawh thugente le a dangte bangci khen theih ding na hi uh hiam cih leh: Jesu Khris pen mihing bangin hong pai hi, ci-in a gente khempeuh Pasian Khaʼ lamlahna tawh thugen ahi hi.

1 JOHAN MASA 4:2 Referans Kwoze

1 KORIN MASA 12:3

Tua ahih ciangin Pasian’ Kha Siangtho tawh, “Zeisu in hamsiatna a thuak hi,” ci-in kuamah in a gen theih loh mah bangin, “Zeisu in Topa hi,” ci-in kuamah in Kha Siangtho suang loin a pulak thei kei hi, ci-in kong theisak hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

1 JOHAN MASA 4:3

Tua banga Zeisu a mang lo kha khempeuh in Pasian tawh kipawl lo hi. Hih kha in a hong tung ding ci-a na zaksa uh Anti Khazih’ kha ahi hi. Tua kha in leitungah tu nangawnin a om zo hi.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.

1 JOHAN MASA 1:2

Tua nuntakna hong kilang zo a, kote in zong ka mu zo uh a, Pa tawh omkhawm ngei-in, kote kiangah hong kilangsa tua nuntak tawntungna thu, note kiangah teci pangin kong hilh uh hi.

1 JOHAN MASA 4:15

Zeisu in Pasian’ Tapa ahi ci-a mang mi khempeuh in Pasian sungah om a, Pasian zong tua mi sungah a om hi.

2 JOHAN NIHNA 1:7

Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.