1 JOHAN MASA 3:2 - Tedim Bible

² Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

Tedim Bible Revision 2017

² Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

1 JOHAN MASA 3:2 Referans Kwoze

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

Kolose 3:4

Eite nuntakna ahi Khazih hong kilat ciangin, note in zong tua Topa tawh minthang khawmin na kilang ding uh hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

1 KORIN MASA 13:12

Tu lai takin kimu tel loin limlang sungah i en hi. Tu nung ciangin i maitang a tel takin i mu ding hi. Tu-in a kicing loin ka thei hi. Tu nung ciangin Pasian in kei hong theih bangin ka thei ding hi.

ROM (Romans) 8:29

Pasian’ Tapa in unau tampite lakah a upa bel a suah nadingin Pasian in nidang lai-a a theihkhol mite, a Tapa’ lim tawh kibang a suahsak nadingin, nidang lai-in a ciamteh khol hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin, nangma mel muhna tawh ka lungkim ding hi.

1 KORIN MASA 15:49

Eite in leitungmi’ lim i neih mah bangin vantungmi’ lim i nei ding hi.

Mangmuhna 22:4

a maitang a mu ding uh hi. A min zong amaute taltang tung uhah a om ding hi.

2 PETER NIHNA 1:4

Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

ROM (Romans) 8:18

Eite tungah hong kilang ding vangliatna ka ngaihsut ciangin, tu laitak i thuak gimnate ngaihsut tham ka sa kei hi.

Galati 3:26

Bang hang hiam na cih uh leh, note khempeuh in Khazih Zeisu upna hangin Pasian’ tate na hi uh hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Mattiu 5:8

“Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

JOB (Job) 19:26

Natna in ka vun a nektum khit hangin, hih ka pumpi mahmah tawh Pasian ka mu ding hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

Late 31:19

Nang hong zahtakte’ adinga na koihsa, nang hong belte’ adinga mite’ muhna-ah na bawl, na hoihna bangzah takin kicing!

Isaiah 56:5

ka innsung leh ka huang sungah tapa leh tanute sangin a hoihzaw phawkna leh min ka pia ding a, a mang ngei nawn lo ding tawntung min, amaute tungah ka pia ding hi.

Late 16:11

Nangmah in nuntakna lampi keimah nong lak hi; nangma omna-ah lungdamna lian om a, na tak lam ah nop tawntungnate om hi.

Malakhi 3:2

Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

Luka 17:30

Mihing Tapa a kilat ni ciangin tua tawh kibangin a piang ding hi.

Luka 20:36

Amaute cikmah hunin a si thei kei ding uh hi. Bang hang hiam na cih uh leh, amaute in vantungmite tawh kibangin, thawhkikna’ tate ahih manunah Pasian’ tate ahi ding uh hi.

Johan 1:12

Ahih hangin amah sang a, ama min a umte khempeuh in Pasian’ tate suah theih na’ng thu a pia hi.

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

ROM (Romans) 8:16

Eite in Pasian’ tate i hi ci-in Kha Siangtho in eite lungsim tawh teci a pang khawm hi.

ROM (Romans) 8:19

A kipiangsak nate in Pasian’ tate a kilat ding lamenin, lawp pha-in a ngak uh hi.

1 JOHAN MASA 2:7

Ka itte aw, note kiangah thupiakna thak kong gelh kei hi. A kipat cil panin na neih lui uh kong pia hi. Tua thupiakna lui in a masa belin na zak uh thuhilhna ahi hi.

1 JOHAN MASA 3:10

Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.

1 JOHAN MASA 3:21

Ka itte aw, eite lungsim in eite hong mawhsak kei leh, Pasian mai-ah launa a om kei ding hi.

Mangmuhna 2:28

Zingsol zong amah ka pia ding hi.