1 JOHAN MASA 1:1 - Tedim Bible

¹ A cil panin piang a, komau in za-in, ka mittang uh tawh mu-in, a tel takpi enin, ka khut uh tawh ka lawn’ khitsa uh nuntakna Thu tawh kipawl thute, note kiangah kong zasak uh hi.

Tedim Bible Revision 2017

¹ Leitung piancil lai pek a kipanin a om sa ahi nuntakna a pia thei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka et tel uh hi a, ka khut mahmah uh tawh ka lawn uh ahi hi.

1 JOHAN MASA 1:1 Referans Kwoze

Johan 20:27

Tua lai takin Thomas kiangah, “Na khutmete zan in la, ka khut en in. Na khut zan in la, ka pang hong lawng in, um khial kei in la, um in,” a ci hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 5:26

Bang hang hiam na cih uh leh, Pa in a sungah nuntakna a neih bangin, Tapa in zong a sungah nuntakna a neih nadingin thu a pia zo hi.

Luka 24:39

Ka khut hong en un la, ka khe zong en un. Kei pumpi mahmah ahih lam hong en un la, na khut uh tawh hong lawng un.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Johan 19:35

Tua thu a mu mi in teci a pang hi. Ama teci pan’na thu aman hi. Note in na up theih nadingun ama genna thu aman hi ci-in a thei hi.

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Mangmuhna 19:13

Sisan tawh kitheh puanza a silh hi. Ama min in Pasian’ Thu ahi hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Luka 1:2

eite lakah a hong piangsa thu teng, eite hong zaksak a kizomin lai a gelh mi tampi a om hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

1 JOHAN MASA 5:7

Kha Siangtho in teci hong pang hi. Bang hang hiam na cih uh leh, Kha Siangtho in thuman thutak ahi hi.