ZEKARIA 5:3 - Biblia Ilagho Jiboie Kwa Wandu Wose

³ Niko ukanizera, “Chuo ichi chaandikilo njowe ighenjwaghwa isanga jose. Luwaru lumu chaandikilo kula kitoi uchainjwa isangenyi; na luwaru lumu chaandikilo kula mundu ughoragha tee kwa ighemi uchainjwa.

ZEKARIA 5:3 Referans Kwoze

KUFUMA 20:15

“Kusakeiwa.

ISAYA 48:1

Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

ISAYA 24:6

Kwa huwo ndoe yamerelwa ni njowe, na wandu waro wapatwa ni wasi kwa wundu ghwa mawiwi ghawo, wandu wa ndoenyi wakorwa hata awo wisigharikagha ni watini.

JAKOBO 5:12

Ela aighu ya ghose wanidu, msakeghema; msegheme kwa mlungunyi, hata kwa ndoenyi, angu kwa kindo icho chose chingi kizima. Ela hee yenyu ndeikaie hee, na hata ikaie hata, msechepata kutanywa.

MALAKI 4:6

Uchawipatanisha weke aba na wana, eri nisecheikaba ndoe na kuitotesha.”

ZEKARIA 5:4

BWANA Uwadie-Ndighi-Rose waghamba uchaiduma ihi njowe shighadi ingie nyumbenyi kwa kitoi, na nyumbenyi kwa mundu ughemagha kwa tee kwa irina jake; nayo ichakaia nyumbenyi kwawo na kuwinonia vilambo.”

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

WALAWI 19:12

Kusakeghema kwa irina japo kwa tee, kuchejilusha; ini ne BWANA Mungu wako.

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

1 TIMOTHEO 1:9

ukimanya kukaia Sharia ndeerewikiloghe kwa wundu ghwa awo wibonyagha hachi, ela edewikwa kwa wundu ghwa waleghi sharia, na wandu wisesikiragha; kwa wandu wisemuobuagha Mlungu, na wakaung'a; kwa wandu wiseelie, na awo wisemwichi Mlungu; kwa wandu wibwaghagha weke ndee, na weke mae; kwa wabwaghi wandu,

WAEFESO 4:28

Mundu orekoghe kitoi, useiwe sena; ela bora ubonye kazi ndicha kwa mikonu yake, eri udime kuwitesia awo wisewadie.

LUKA 21:35

Angu jichawichea wandu wose wiko ndoenyi sa mdegho.

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

ZEKARIA 8:17

Msakebonyerana mipango ya wuwiwi mmbeni na mmbeni. Msakefunya wushuhuda ghwa tee kwa ighemi. Ini nadazamilwa ni kughora tee, kusoweana hachi, na kukoronga.”

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

MAKATANISHO 29:24

Mngara wa kitoi ookungira wasinyi moni; uchakabwa ukaghora loli kotinyi.

MAKATANISHO 3:33

BWANA wadaiwasira mizi ya wawiwi njowe! Ela wadairasimia mizi ya wahachi!

WALAWI 19:11

“Kusakeiwa, hata kusekalie, hata mseghoriane tee.

AMOSI 3:10

BWANA waghamba, “Awandu ndewiichi kubonya hachi, waawuyachura ngome rawo na vilambo visokelo wandu na wutoi.”

JOSHUA 9:20

Suti diwisighe wikaie moyo kwa wundu ghwa iji ighemi disechekabwa ni Mlungu.”

EZEKIELI 2:9

Nao iji nazighana ngawona mkonu ghwaghorolwa cha kwapo, ghuwadie chuo chiandikilo.