ZEKARIA 3:8 - Biblia Ilagho Jiboie Kwa Wandu Wose

⁸ Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 3:8 Referans Kwoze

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ZEKARIA 6:12

Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

ISAYA 53:2

Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 20:3

BWANA ukaghamba, “Sa iji mdumiki wapo Isaya waghenda duu, na maghu maduu, kwa miaka idadu kukaia alama na mashiniko aighu ya Misri na Ethiopia;

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

EZEKIELI 12:11

Kuwizere, oho kwakaia alama kwa wundu ghwawo, kukaia, seji kwabonya niko wandu awa wichaabonyerwa. Wichadwalwa wunyika na kughenjwa wubarishonyi.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 49:5

Na idana, BWANA uo oreniumbieghe nikaie mdumiki wake kufuma kifunyi, eri nimghaluye wana wa Jakobo cha kwake, na Israeli upate kutumbanywa kwake, angu ninekelo ishima mesonyi kwa BWANA, na Mlungu wapo wawurie ndighi rapo.

ISAYA 8:18

Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

LUKA 1:78

kwa chia ya wughoma mungi ghwa Mlungu odu, ngelo mwengere ghuchaadichea kufuma aighu,

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

EZEKIELI 34:29

Nichawineka mbuwa inorie, nawo ndewichaapatwa ni njala sena isangenyi, angu kusholelwa ni iro mbari ra wandu.

EZEKIELI 24:24

Na Ezekieli uchakaia fwana konyu; nenyo mchabonya sa iji koni wabonya. Ngelo maza iro richaakatia, niko mchaamanya kukaia ini ne Bwana MLUNGU.’

ISAYA 49:3

Ukanizera, “Oho Israeli ko mdumiki wapo, ini nichanekwa wubaa kwa wundu ghwako.”

ZABURI 71:7

Ini nakaie sa kilambo cheshinikilwa kwa wengi, ela oho ko andu kwapo kumange kokimbiria.

EZEKIELI 12:6

Kuchaduka msigo ghwako na iyonge wikizighanira, kufume nagho a kirenyi kwafinikira wushu ghwako, eri kusewone isanga; kwa kukaia neekubonya oho kukaie alama kwa wundu ghwa wandu wa Israeli.”