ZEKARIA 10:9 - Biblia Ilagho Jiboie Kwa Wandu Wose

⁹ Hata ngera nerewisaghisireghe aghadi ya mbari ra wandu, ela sena wichanikumbuka wiko ahoeni masanga gha kula; nawo, chiaimweri na wana wawo wichakaia moyo na kuwuya sena isangenyi.

ZEKARIA 10:9 Referans Kwoze

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

MIKA 5:7

Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

HOSEA 2:23

Nichawimangisha wandu wapo isangenyi, na kuwibonya wiwone mecha. Nichawiwonyera lukundo kwa awo werewangiloghe ‘Wisekundo;’ kwa awo werewangiloghe, ‘Si wandu wapo wangi.’ Nichaghamba, ‘Mo wandu wapo’ nawo wichatumbulia ‘Ko Mlungu odu.’”

JEREMIA 31:27

BWANA waghamba, “Ola matuku ghichacha, nani nichabonya isanga ja Israeli na ja Juda jichulo ni wandu na mfugho.

ISAYA 65:23

Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

ESTA 8:17

Andu kose itangazo ja mzuri jerevikieghe kula isanga na kula muzi werechuloghe ni kuboilwa na kuzuma, wikabonya karamu na kuhora. Hata wandu wengi wikakughalua kukaia Wayahudi, angu werewiobueghe loli-loli.

NEHEMIA 1:9

ela mkaniwuria na kughiwadia malaghiro ghapo, na kughibonya hata ngera mwasaghisiro hata kutua kwa ndoenyi, nichamkwanya na kumreda andu nikusaghue nitasoghe.’

JEREMIA 51:50

BWANA waghamba huwu kwa wandu wake wiko Babuloni, “Inyo wandu mfufunukie msebwaghilo ghendenyi, msedunge maghu; hata ngera moko kula na mzinyi, ela nikumbukenyi ini BWANA, mgheshe Jerusalemu.

AMOSI 9:9

“Nichafunya momu na kuwisughusa wandu wa Israeli aghadi ya iro mbari ra wandu seji wandu wichekechagha ngano na kichekecho. Nichawichekecha na kuinja wose wisefwanagha.

WAROMA 11:24

Angu ngera oho mundu wa mbari zima kwa asili kuko sa mzeituni ghwa isakenyi, kwadumbulo na kukakadishirwa kwa mzeituni ghwa mbuwenyi kwa asili ghuseko ghwako, kuchumba nandighi mbashu ra mizeituni ya mbuwenyi richakakadishirwa kwa mudi ghwawo ghoni.

MABONYO GHA WADUMI 8:4

Waja warumirii weresaghisiroghe wikaghenda wikijichila jija ilagho.

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

ISAYA 44:21

BWANA waghamba, “Kukumbuke maza iri ee Israeli, kukaia ko mdumiki wapo; nerekuumbieghe kukaie mdumiki wapo, hata sichaakuliwa anduangi.

ISAYA 64:4

Kufuma kon kala uko ndekuwadie mndungi usikire, angu kuwona Mlungu ungi mzima sa oho uwibonyeragha maza awo wimsuwiriagha.