ZEKARIA 10:6 - Biblia Ilagho Jiboie Kwa Wandu Wose

⁶ “Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

ZEKARIA 10:6 Referans Kwoze

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZEKARIA 10:12

Nichawibonya wandu wapo wikaie na ndighi, wichanitasa na kunisikira.” Ini BWANA naghamba.

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

ZEKARIA 8:11

Ela nichabonya wuzima kwa awa wandu wisigharikie.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

MIKA 7:16

Mbari ra wandu hata ngera werekoghe na ndighi rawo rose wichaobua. Wichawadia memu yawo na kufindika madu ghawo kwa wowa.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

HOSEA 2:23

Nichawimangisha wandu wapo isangenyi, na kuwibonya wiwone mecha. Nichawiwonyera lukundo kwa awo werewangiloghe ‘Wisekundo;’ kwa awo werewangiloghe, ‘Si wandu wapo wangi.’ Nichaghamba, ‘Mo wandu wapo’ nawo wichatumbulia ‘Ko Mlungu odu.’”

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

EZEKIELI 39:25

Bwana MLUNGU waghamba huwu, “Idana nichammbunjira Jakobo mali rake, na kuwiwonia wughoma wandu wa Israeli nani nichakaia na iriso kwa wundu ghwa irina japo ja wueli.

EZEKIELI 37:16

“Mwana wa mdamu, wada chenga cha mudi kuandike aighu yaro, ‘Kwa wundu ghwa Juda na wandu wa Israeli wikwanye,’ sena kuwade chenga cha mudi kizima kuchiandike aighu yaro, ‘Kwa wundu ghwa Josefu (ni chenga cha Efraimu) na wandu wa Israeli wose wikwanye;’

EZEKIELI 36:11

Nichawibonya wandu na nyamandu richurikie aighu yenyu, naro richava na kuchurikia, nenyo mchakailwa ni wandu sa iji koni morekoghe imbiri; nani nicham'bonyera mecha kuchumba imbiri. Niko mchamanya kukaia ini ne BWANA.

JEREMIA 31:31

BWANA waghamba, “Ola matuku ghichacha, nani nichabonya ilaghano iwishi na wandu wa Israeli na wandu wa Juda.

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 31:1

BWANA waghamba, “Ngelo ija nichakaia Mlungu wa vichuku va Israeli, nawo wichakaia wandu wapo.

JEREMIA 30:18

BWANA waghamba huwu, “Olenyi nichariagha sena hema ra kivalwa cha Jakobo, na kukaia na wughoma kwa awo wikaiagha aho. Muzi ghwa Jerusalemu ghuchaaghwa aeni ghorekoghe, na ngome ya mzuri ichakaia aeni erekoghe.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

ZABURI 89:21

Uchakaia na ndighi rapo matuku ghose; wudimi ghwapo ghuchamneka ndighi.

MIKA 4:6

BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi.

OBADIA 1:18

Wandu wa Jakobo na nyumba ya Josefu, wichakaia sa modo; wichawitotesha wandu wa Esau, seji modo ghukoragha matasa. Ndekuwadie mndungi wa kivalwa cha Esau uchaasigharika; ini BWANA naghamba.

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ZEKARIA 1:16

Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”

ZEKARIA 9:16

Ituku ijo, BWANA Mlungu wawo uchawikira, seji mlisha ukiragha chagha cha iranu jake; nawo wichang'ala-ng'ala isangenyi kwake, sa lulu ra kirumbu.

JEREMIA 30:20

Wana wawo wichakaia sa matuku gha kala, na izungu jawo jichawoneka imbiri kwapo; na awo wose wiwikorongagha nichawikaba.

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.