ZEKARIA 10:5 - Biblia Ilagho Jiboie Kwa Wandu Wose

⁵ Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

ZEKARIA 10:5 Referans Kwoze

HAGAI 2:22

Nichabingilisha mawuzuri na kurimeria ndighi ra mawuzuri gha iro mbari. Nichaghibingilisha magare gha wuda na awo wighijokagha; farasi richafwa na wajoki farasi waro wichabwaghana weni na weni.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZEKARIA 9:13

Nichamtumia Juda sa ndana ya asikari na Israeli sa mawanu. Nichawitumia wandu wa Sioni sa lufu, nipate kulwa na wandu wa Griki.”

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

2 TIMOTHEO 4:7

Namerie kulwa ghuja wuda ghuboie, namerie mwendo ghwapo, na irumirio najilindirie.

2 WAKORINTHO 10:4

Maswagha dawuyalwa nagho, si gha kiwurumwengu; ela gheko nandighi ra Kimlungu revuchua ngome.

MABONYO GHA WADUMI 7:22

Na Musa ukafundishwa akili rose ra Wamisri, ukakaia m'baa kwa madedo na mabonyo ghake wori.

LUKA 24:19

Ukawikotia, “Malaghoki?” Wikatumbulia, “Malagho ghimpatire Jesu wa Nazareti. Mundu uhu orekoghe mlodi m'baa uko na kudima kwa kubonya na kufundisha imbiri ya Mlungu na imbiri ya wandu wose;

MATHAYO 4:3

Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.”

ZEKARIA 14:13

Ngelo iyo, BWANA uchawibonya wilaghalo ni akili; wichangilwa ni kiture hata wiwoke kulwa weni na weni.

ZEKARIA 14:3

Niko BWANA uchaghenda kulwa na iro mbari ra wandu seji orelwagha ngelo riidie.

ZEKARIA 12:4

Ituku ijo, nichangira kiture andenyi ya farasi rawo, nani nichawibonya wajoki farasi wawo wiwuko ni isu. Nichawilindia wandu wa Juda, na kuribwagha meso farasi ra wamaiza wawo.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

AMOSI 2:15

Mundu uwadie ndana uchasimwa, na uo uko na iseghe, ndechaakukira moni hata uo ujokagha farasi wori ndechaakira irangi jake anduangi.

EZEKIELI 38:15

Na oho kuchacha kufuma kula nandighi cha kaskazinyi, chiaimweri na wandu wengi; wose wijokagha farasi, ijeshi ibaa jiwadie ndighi.

ISAYA 41:12

Kuchawilola, ela ndekuchaawiwona, awo wilwagha na oho, wichawuya kukaia si kilambo chingi.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 8:9

Kabenyi tarumbeta ya wuda inyo mbari ra wandu, mmbonefushwa waya; deghenyi madu masanga gha kula; kaienyi tayari kwa wuda, mmbonefushwa waya.

ZABURI 45:3

Rwaa lufu lwako kiwonunyi ee mundu kuwadie ndighi; oho koko wa wubaa na nguma ra kiwuzuri.

ZABURI 33:16

Wusimi ghwa mzuri ndeghuredwagha ni ijeshi jake ibaa, hata ing'oni ndejikirwagha ni ndighi rake nyingi.

ZABURI 18:42

Ngawifasha-fasha wikawuya sa teri idukwaghwa ni mbeo; ngawikumba noko sa mazozo gha chienyi.

2 SAMUELI 22:43

Nawikabie ngawifasha wikawuya sa teri ya ndoe; nerewifashireghe na kuwichandiria sa mazozo gha chienyi.

2 SAMUELI 22:8

“Niko ndoenyi kukaobua na kusughusika, na misingi ya mlungunyi ikanyavurika angu Mlungu orejokeloghe ni machu.

1 SAMUELI 16:18

Mndumu wa irika ukaghamba, “Ola nammbona mwana wa Jese M'bethlehemu, uichi kukaba kinubi loli loli; mundu uko ing'oni, uichi kulwa wuda, uichi kudeda kwa hikima; ni mundu ughokie, na BWANA oko andwamweri nao.”

JOSHUA 10:42

Joshua ukawada wazuri awo wose na masanga ghawo kwa ngelo imweri, kwa kukaia BWANA Mlungu wa Israeli orekoghe ukiwiluya Waisraeli.

JOSHUA 10:14

Jingi ndeiwonekie huwo, hata sena ndeicheewoneka ituku sa ijo, BWANA oresikireghe lwaka lwa mdamu. Kwa loli BWANA orekoghe ukiwiluya Waisraeli.

WUKUMBUSO 20:1

“Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.

WUFUNUO 19:17

Niko ngawona malaika uko kimusi iruwenyi, nao ukawanga nyonyi rose riburukagha mbeonyi kwa lwaka lubaa, “Choonyi mkwanyike chia imweri, muje karamu mbaa ya Mlungu;

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

MABONYO GHA WADUMI 18:24

Nao Myahudi umu uwangwagha Apolo, uvailo Alekizanderia, ukacha Efeso. Mundu uo orekoghe na wuya ghodeda loli-loli, uichi Maandiko Ghielie na ndighi.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

ZABURI 44:5

Dichawisima wamaiza wedu kwa ndighi rako, na kwa irina jako dichawiwadia-wadia awo wilwagha nesi.

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

2 WAZURI 9:33

Jehu ukawizera, “Mpotuonyi uo muka.” Nao wikampotua, na bagha rimu rake rikatarikia wurigha, na aighu ya farasi. Nao wikaida wikimfasha-fasha.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.