ZEKARIA 10:3 - Biblia Ilagho Jiboie Kwa Wandu Wose

³ BWANA waghamba, “Nakaia na machu kwa waghenyi wiwibonyeragha wandu wapo nguma, nani nichawikaba. Wandu wa Juda ni wapo, na ini BWANA Uwadie-Ndighi-Rose nichawilindia. Wichawuya farasi rapo ra wuda riwadie ndighi.

ZEKARIA 10:3 Referans Kwoze

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

ZEKARIA 11:17

Ni bugha kwa uja mlisha wapo wa kisha! Wachisighie chagha. Wuda ghucharimeria ndighi rake putu. Mkonu ghwake ghuchaoma na iriso jake ja kiwomi jichafwa.”

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.

JEREMIA 25:34

“Inyo vilongozi, walisha wa wandu wapo, kemenyi kwa lwaka. Lilenyi na kukung'arisha terinyi; ngelo yameria kuvika mpate kubwaghwa, nenyo mchabarwa sa chombo chighokie.

MAKATANISHO 21:31

Farasi yadawikwa nicha kwa wundu ghwa ituku ja wuda, ela wusimi ni ghwa BWANA.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

LUKA 1:68

“Ndekaso Bwana Mlungu wa Israeli, angu wawivikia wandu wake na kuwikombua.

RUTHU 1:6

Konyuma Naomi ukasikira angu BWANA wamerie kuwirasimia wandu wake kwa vindo, ukakutumbanya kusigha isanga ja Moabu chiaimweri na waka wa wana wake.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

ZEFANIA 1:8

BWANA waghamba, “Ituku nifunyagha kizongona chapo, nichawikaba wabaa wose na wana wa mzuri, na wose wikuzaisiragha tabia ra kighenyi.

JEREMIA 50:6

“Wandu wapo werekoghe ng'ondi rilagharie, rilongozero kiwiwi ni walisha waro, kwa kurighalua na kurighenja aighu mighondinyi; kufuma mghondi m'baa hata mghondi mtini, hata rikaliwa maranu ghawo.

JEREMIA 25:12

“Ela nyuma ya iyo miaka mirongo mfungade kukatia, nichaikaba mbari ya Babuloni chiaimweri na mzuri waro. Nichajitotesha ijo isanga ja Wakaldayo, kwa wundu ghwa mawiwi ghawo, kujibonya jiwuye iduu kwa kala na kala.

JEREMIA 11:22

kwa wundu ugho BWANA wa majeshi waghora huwu, “Ola nichawikaba, na wandu wa irika wichabwaghwa kwa lufu, na wana wawo wa womi na wa waka wichabwaghwa ni njala.

JEREMIA 10:21

Kwa kukaia walisha wasowa akili, hata ndewilombagha njama kwa BWANA; kwa huwo ndewiwonagha mecha, na mfugho rawo rose reesaghisika.

ISAYA 24:21

Ngelo iyo, BWANA uchakaba majeshi gha roho mbiwi ghiko mbeonyi, na wazuri wa ndoenyi.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

LUMBO 1:9

Naawuyakufwananisha na farasi ra waka mkundwa, riboilwagha ni farasi ra womi rikuruduagha magare gha Farao.

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

DANIELI 11:32

Uchawighalua kwa mikalo awo wandu wisighie jija ilaghano ja wueli; ela awo wandu wimwichi Mlungu wawo wichafunga ndighi kujidederia.

AYUBU 39:25

Tarumbeta ikakabwa, farasi riakema; ranukilwa ni wuda ghuko kula. Rasikira chwaka ra wabaa rikilusha wuda.

EZEKIELI 34:11

“Ini Bwana MLUNGU naghamba kukaia nicharilola ng'ondi rapo hata niriwone.