ZEKARIA 10:1 - Biblia Ilagho Jiboie Kwa Wandu Wose

¹ Mlombenyi BWANA vua ngelo ya kimu cha mwaka. BWANA nuo uredagha iwingu ja vua na mshushure; nuo ubonyagha mbuwa rikaie na miwalwa ideghedekie kwa kula mundu.

ZEKARIA 10:1 Referans Kwoze

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

JAKOBO 5:7

Kwa huwu wanidu, rumaghienyi hata Bwana uche. Zighanenyi angu mlimi wadawesera mavalo gha ndoe gha zoghori mbaa, ukirumaghia, hata ghipate vua ya imbiri na ya nyuma.

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

ZABURI 65:9

Kwadaizighana ndoe na kuinyeshera vua, kukiiwurusha nandighi; kwaichura meda machi, na huwo niko kubonyere, na kuwipatira wandu viro.

WUKUMBUSO 28:23

Mawingu ndeghichaanyesha vua na ndoe ichaoma ikuo sa chuma.

JOHANE 16:23

Ituku ijo ndemchaanilomba kilambo chingi anduangi. Namghoria loli, icho chose mchaalomba kwa uja Aba kwa irina japo uchamneka.

MIKA 5:7

Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

AMOSI 4:7

Nereghirieghe vua isenye ingelo eresighiloghe meri idadu tu ekuwida. Ngakaia nginyesha vua muzi ghumu na kuima muzi ghumu; vua erenyieghe mbuwa imu, na mbuwa imu ndeerenyieghe hata viro vikaoma.

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

EZEKIELI 34:26

“Nani nicharirasimia aighu ya mghondi ghwapo, na kurinyeshera vua kwa kimu charo; kuchakaia na mami gha marasimio.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 10:13

Ukakaba lukuwa, machi gha mlungunyi ghadaruruma, wadabonya mawingu ghijoke kufuma ndoenyi. Wadareda luhehia na vua, na kuweta kwa mbeo kufuma andu kwaro.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

MAKATANISHO 16:15

Mzuri ukazighana na wushu ghuelie ni irangi wurumirio ghwake ni sa iwingu jiredagha vua ya kimu.

ZABURI 104:13

Kwadainyeshera mighondi vua kufuma mawingunyi, na ndoenyi yachua marasimio ghako.

JEREMIA 51:16

Ukadeda, lwaka lwake luaghonesha machi mlungunyi, na kubonya ikungughu jijoke kufuma kutua kwa ndoenyi; wadabonya luhehia luwoneke andenyi ya vua, na kureda mbeo kufuma andu uiwikagha.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAKORINTHO 3:6

Ini nerewaeghe, Apolo ukadunga machi; ela Mlungu nuo uibukishire.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

ZABURI 72:6

Kumneke kukaia sa vua inyagha anyasinyi ridumbulo, na sa mshushure ghuinyosheragha ndoe.

AYUBU 29:23

Werekoghe wikiniweseria sa vua, wikakaia sa ndoe iweseriagha ingelo ni vua ya imbiri.

ZABURI 135:7

Wadajosa mawingu kufuma kutua kwa ndoenyi; wadabonya luhehia lukabe andenyi ya vua, na kureda mbeo kufuma nganyenyi kwake.

JEREMIA 5:24

Ndewighoragha ngolonyi kwawo, ‘Ndedimuobuo BWANA Mlungu odu, uo udinekagha vua kwa vimu varo; vua ya sumesu na vua ya kwari, uo udiwikiagha vimu va makuwido.’