ZEKARIA 1:6 - Biblia Ilagho Jiboie Kwa Wandu Wose

⁶ Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

ZEKARIA 1:6 Referans Kwoze

KILILO CHA JEREMIA 2:17

BWANA wabonya sa iji koni oreghorieghe. Waditotesha kuseko wughoma sa iji koni oreghambieghe.

WUKUMBUSO 28:15

“Ela kukalegha kumsikira BWANA Mlungu wako, angu kuleghalindia kukatisha agho malaghiro ghake gha sharia rake nikulaghiragha idime, kuchawadwa ni njowe iri rose.

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

AMOSI 9:10

Wakaung'a wose wa wandu wapo wichabwaghwa wudenyi, awo wighambagha, ‘Isi ndedidimagha kupatwa ni ilagho jingi.’”

JEREMIA 44:28

Na awo wichaafufunuka kubwaghwa wudenyi, wichafuma isanga ja Misri na kuwuya cha isanga ja Juda, watinieri, na masighariko ghose gha wandu wa Juda wereghendieghe cha isanga ja Misri wichamanya ni ilagho jani jiko ja loli, ngera ni japo angu ngera ni jawo.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

1 WATHESALONIKE 5:4

Ela inyo ndemko kirenyi anduangi, hata ijo ituku jimchee sa kitoi.

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

HOSEA 9:15

BWANA waghamba, “Wuwiwi ghwawo ghose ghoozoia Gilgali; aho niko werezoeghe kunizamia. Nichawifunya isangenyi japo, kwa wundu ghwa wuwiwi ghwa mabonyo ghawo. Sichaawikunda sena, kwa kukaia wabaa wawo wanileghie.

EZEKIELI 37:11

Niko Mlungu ukanizera, “Mwana wa mdamu, maindi agha ni wandu wose wa Israeli. Wadaghamba, ‘Maindi ghedu ghaomie na isuwirio jamerie kusia, deesia putu.’

EZEKIELI 20:43

Na aho mchakumbuka iro chia renyu mbiwi na mabonyo ghenyu morekunonieghe nagho; nenyo mchakuzamia mmbeni kwa wundu ghwa ugho wuwiwi ghose moreghubonyereghe.

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

JEREMIA 26:15

Ela mmanye kwa loli mkanibwagha, mchakuredia aighu yenyu na aighu ya muzi ughu na wandu waro ikosa ja kubwagha mundu usewadie ikosa jingi. Kwa kukaia ni loli BWANA ooniduma konyu kughora agho malagho ghose mwaghisikira kwa madu ghenyu.”

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

AYUBU 6:29

Kadunyi; msenisowie hachi. Msenitanye; ini neko na hachi.

WUKUMBUSO 28:45

Kuchawadwa ni njowe iri rose, hata rikunone na kukutotesha, kwa kukaia, ndekoremsikireghe BWANA Mlungu wako kwa kughiwadia malaghiro ghake na sharia rake iro orekulaghirieghe.

WUKUMBUSO 28:20

“BWANA uchakuredia njowe, kulaghalo ni akili, kusumbuke na kulemwa ni maza rako rose kuribonyagha, hata kwanoneka na kusia shwa wori kwa wundu ghwa mabonyo ghako ghizamie angu kumsighie.

MITALO 33:56

Na icho kiwiwi nerekundeghe kuwibonya, nichachibonya konyu.”

MITALO 32:23

Ela mkalegha huwo, mwameria kum'bonyera BWANA kaung'a; nenyo mkaie na loli kukaia kaung'a ichamfunya shighadi.

WUKUMBUSO 28:2

Na agha marasimio ghose ghichumbie mchaghipata iji mwamsikira.

ISAYA 21:17

Wandu wa ndana wa Kedari wiko na ndighi, wichasigharika watini; ini BWANA Mlungu wa majeshi naghamba.”

JEREMIA 5:14

Kwa wundu ugho, BWANA, uo Mlungu wa majeshi waghamba huwu, “Kwa kukaia wakuzera agha malagho oho Jeremia, ola nichabonya ilagho japo momunyi kwako jikaie sa modo, na wandu awa wichakaia sa mbande, na modo ghuchawimeria.

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 36:28

“Wada chuo kizima kuandike andenyi yaro ghaja malagho ghose gha imbiri gherekoghe andenyi ya chija chuo chikorelo ni Mzuri Jehoiakimu wa Juda.

JEREMIA 39:16

“Ghenda kumzere Ebedi-meleki Muethiopia huwu, ‘Ini BWANA wa majeshi, Mlungu wa Israeli naghamba nichakatisha malagho ghapo nereghighorieghe aighu ya ughu muzi; kwa kughubonya kiwiwi hata si kughubonyera nicha anduangi, nagho ghichakatia ituku ijo imbiri yako.

JEREMIA 44:29

Ihi niyo ichaakaia alama emmbonyera, kukaia, nichamkaba andenyi ya iji isanga, eri mpate kumanya angu ilagho japo jichakatia aighu yenyu kwa wundu ghwa wuwiwi mughubonyere.

DANIELI 4:28

Maza iri rose rikakatishwa aighu ya mzuri Nebukadnezari.

HOSEA 5:9

Ituku jekabwa jaawuyacha, na Israeli uchatoteshwa. Inyo wandu wa Israeli, loli agho malagho ghichacha!

ZEKARIA 1:7

Ituku ja mirongo iwi na inya ja mori ghwa ikumi na imweri ghuwangwagha Shebati, mwaka ghwa kawi ghwa kubonya nguma kwa Mzuri Dario, BWANA oreghorieghe na ini mlodi Zekaria kwa mawono nakio.

2 WAZURI 15:12

(Iji jerekoghe ni ilaghiro ja BWANA oremlaghirieghe Jehu ukighamba, “Wana wako wichaseria kifumbi cha nguma hata kivalwa cha kana.” Niko ikakaia wokoni.)

ISAYA 55:11

niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

JEREMIA 28:17

Nao mlodi Hanania ukafwa mori ghwa mfungade ghwa ugho mwaka ghoni.

JEREMIA 44:2

“BWANA wa majeshi, Mlungu wa Israeli ukaghamba mwamerie kuwona wuwiwi ghose nereghuredieghe aighu ya Jerusalemu, na aighu ya mizi yose ya Juda. Zighanenyi idime eeka miduu isewadie mndungi wawuyakaia aho,

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

KILILO CHA JEREMIA 3:42

“Dabonyere kaung'a dikakulegha, na oho ee BWANA ndekudifuye wughoma.