ZEFANIA 3:19 - Biblia Ilagho Jiboie Kwa Wandu Wose

¹⁹ Ngelo yaawuyacha; nichawikaba wakorongi wako. Nichawivuvua watighini wose, na kuwighalisha wose weredwaloghe wunyika. Waya ghwaro ghuchaghaluswa kunekwa ishima na wurumwengu ghose ghuchawikuma.

ZEFANIA 3:19 Referans Kwoze

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

JEREMIA 30:16

Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

ZEFANIA 3:15

BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

ISAYA 61:7

Mchanekwa ishima mando awi wulalo ghwa ugho waya morekoghe nagho, mchachulwa ni kuboiwa kwa ifwa jenyu wulalo ghwa uko kumenywa konyu; kwa huwo mchakaia na mafungu awi isangenyi konyu, nenyo mchakaia na kuboilwa kwa kala na kala.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

WAEBRANIA 12:13

Mrighoruo chia renyu mghendagha naro, eri icho kia chikelemere chisetanyo na wambao, ela bora chiboiso.

ISAYA 60:18

Lwaka lokorongwa ndeluchaasikirika isangenyi kwako, hata kudwalwa wunyika na kutoteshwa ndevichaawoneka andenyi ya mano yako. Wurigha ghwako kuchaghuwanga, ‘Kukia;’ na mbenge rako kuchariwanga, ‘Makaso.’

EZEKIELI 39:26

Wichaliwa ghuja waya ghwawo na ugho wuwiwi werenibonyereghe ingelo wachakaia nicha isangenyi jawo, kuseko na mndungi owikumba wowa.

WUFUNUO 20:9

Nawo wikaghenda ndoenyi kose; wikaimara kambi ya waeli na ugho muzi ghukundo. Ela modo ghukasea kufuma mlungunyi na kuwitotesha.

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

ISAYA 62:7

hata msemsighe BWANA uhore, hata wameria kuimangisha Jerusalemu, na kuibonya ikaie ekaswa ndoenyi.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

EZEKIELI 16:27

“Kwa huwo idana zighana, naghorua mkonu ghwapo nipate kukukaba, na kupunguza iwaghio ja ifungu jako, nipate kukufunya kwa Wafilisti, awo wimerie kuzamilwa ni oho kwa wundu ghwa wumalaya ghwako ghwa waya.

EZEKIELI 16:57

imbiri wuwiwi ghwako ghusefunukukie? Ola idana mwaafwanana; kwaawuyasekwa ni wandu wa Edomu, na wambao wose kaavui na oho, na wandu wa Filistia; awo wose wikumarie chia rose wawuyakumenya.

EZEKIELI 39:13

Wandu wose wa isangenyi wichawirika, nawo wichanekwa ishima kwa ijo ibonyo, ituku nichaakaia ngiwonyera wubaa ghwapo, ini Bwana MLUNGU naghamba.

ZEKARIA 8:23

Matuku agho wandu ikumi kufuma kwa mbari ra wandu wichammbwada Myahudi nguwo wikighamba, ‘Nndoko dikanye; dasikire Mlungu oko andwamweri nenyo.’”

WUKUMBUSO 26:19

Ucham'bonya wabaa kuchumba mbari ingi ya wandu uwiumbie, nenyu mchajikasa na kujibonyera ishima irina jake. Mchakaia wandu wake moni, sa iji koni orelaghirieghe.”

WATANYI 1:7

Adonibezeki ukaghamba, “Wazuri mirongo mfungade widumbulo vala vawo va maghosi na mano ghawo gha maghosi, werekoghe wikishoa makombo aisi ya meza yapo. Mlungu wanibonyera sa iji koni nerebonyereghe.” Nao wikamreda Jerusalemu, ukafuya aho.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

JEREMIA 30:19

Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.