ZEFANIA 3:18 - Biblia Ilagho Jiboie Kwa Wandu Wose

¹⁸ sa wandu wiko ndimenyi.” BWANA waghamba, “Wowa ghwako ghooboa iro bugha naghumeria, na kuinja agho masholio kuduesholelwa.

ZEFANIA 3:18 Referans Kwoze

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

KILILO CHA JEREMIA 1:4

Ndekuwadie mndungi uchagha Hekalunyi kutasa matuku gha ndima; wai wereboragha aho waawuyaja wasi, na wakohani waawuyasirimika. Andu kokwania koosighwa kuduu, na Sioni, eeka na luwawo lubaa.

ZEFANIA 3:20

Ngelo iyo nichawiwunja mzinyi awo weresaghisiroghe; nicham'bonya mmboneke wa ishima wurumwengunyi kose, nicham'bonya mkaie nicha sena.” Ini BWANA naghamba.

HOSEA 9:5

Welee, ngelo ikavika ya iro ndima ra dini riwikilo remtasa BWANA wibonya wada?

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

EZEKIELI 34:13

Nani nicharifunya kufuma kwa wandu, na kufuma masangenyi. Nicharireda isangenyi jawo jeni, na kurilisha aighu mighondinyi ya Israeli, mbai na mbai ya ndoria ra machi, na andu kose kukailwagha ni wandu isangenyi.

KILILO CHA JEREMIA 1:7

Wandu wa Jerusalemu wakumbuka kuboa kwa muzi ghwawo kwa kala ngelo wiko matirironyi. Ngelo werewadiloghe ni wamaiza, ndekorekoghe na mndungi owitesia. Wandu wiwisimie wikaseka kwa kughwa kwawo.

JEREMIA 23:3

Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

ZABURI 43:3

Reda mwengere ghwako na loli yako vinilongoze; vinighenje hata mghondi ghwako ghwa wueli, andu kukaiagha.

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

ZABURI 79:4

Wandu wa mbari zima wiko mbai-mbai yedu waawuyadisholia; waawuyadimenya na kudiseka.