ZEFANIA 3:15 - Biblia Ilagho Jiboie Kwa Wandu Wose

¹⁵ BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.

ZEFANIA 3:15 Referans Kwoze

ISAYA 51:22

BWANA, uo BWANA Mlungu wako ukudederiagha waghamba huwu, “Ola icho kikombe chawuyakutatarisha nameria kuchiinja mkonunyi kwako, ndekuchaanywa icho kikombe cha machu ghapo sena anduangi.

EZEKIELI 39:29

hata sichaaleka kuwizighana sena, iji nadia Roho wapo kwa wandu wa Israeli. Ini Bwana MLUNGU naghamba.”

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

AMOSI 9:15

Nichawiwika na kuwimangisha isangenyi jawo, nawo ndewichaafunywa sena ijo isanga nerewinekieghe,” waghamba BWANA Mlungu wako.

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

ZEKARIA 14:11

Wandu wichakaia aho banana angu ndekuchaakaia na njowe ingi sena.

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

ISAYA 60:18

Lwaka lokorongwa ndeluchaasikirika isangenyi kwako, hata kudwalwa wunyika na kutoteshwa ndevichaawoneka andenyi ya mano yako. Wurigha ghwako kuchaghuwanga, ‘Kukia;’ na mbenge rako kuchariwanga, ‘Makaso.’

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ZABURI 85:3

Kwasighie kubia kwako kose, kukahoresha machu ghako mabaa.

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.

WUFUNUO 7:15

Kwa huwo, weko imbiri ya kifumbi cha nguma cha Mlungu, nawo wadamtasa kio na dime andenyi ya hekalu yake; na uo useagha kidombo aighu ya kifumbi cha nguma uchawilindia kwa kukanya nawo.

JOHANE 19:19

Pilato oreandikieghe iandiko ukajiwika aighu ya msalaba jighambagha, “JESU WA NAZARETI, MZURI WA WAYAHUDI.”

JOHANE 12:15

“Kusakeobua oho muzi ghwa Sioni; Ola Mzuri wako uacha, wajoka aighu ya mwana wa punda!”

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

HABAKUKI 2:17

Kwademie midi ya msidu ghwa Lebanoni. Oho wokoni kuchademwa. Kwabwaghie nyamandu rerekoghe aho; idana nyamandu richakuobosha oho. Malagho agha ghichabonyeka kwako kwa wundu ghwa kubwagha wandu wengi ndoenyi, na kwa kinyanya chako aighu ya wandu wa mizi yawo.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

ISAYA 54:14

Kuchamangishwa kwa hachi, na makorongo ghichakaia kula na oho, kwa kukaia ndekuchaakaia na wowa, hata kiture; angu vichakaia kula na oho.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

KUZOYA 30:23

Nao ukapata kifu, ukava mwana wa womi ukaghamba, “Mlungu waniinjira waya ghwapo.”

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

HABAKUKI 2:8

Angu kusokie mbari nyingi vilambo vawo, awo wisigharikie wichakudwa wunyika; kwa kukaia kwabwaghie wandu wengi na kutotesha masanga mengi.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

JOHANE 5:30

“Sidimagha kubonya ilagho jingi kwa nguma yapo ini moni anduangi; ela nadatanya sa iji nisikiragha kwa Aba, na kutanya kwapo ni kwa hachi, kwa kukaia silolagha lukundo lwapo ini moni anduangi, ela lukundo lwake uo orenidumieghe.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

ZABURI 19:9

Kuobua kwa BWANA kwaboie, kwadua kwa kala na kala; malaghiro gha BWANA ni gha loli, nagho ni gha hachi putu.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

EZEKIELI 35:10

“Kwa kukaia kwaghambie wei iri mbari iwi, Juda na Israeli, richawuya rako, na masanga ghawo ghichawuya ghako, hata ngera ini BWANA nerekoghe aghadi kwawo;

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

ISAYA 52:9

Wusirenyi chwaka m'bore chiaimweri, inyo maghacho gha Jerusalemu; kwa kukaia BWANA wawihoresha wandu wake, waghukombua muzi ghwa Jerusalemu.

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

EZEKIELI 36:15

Sichaakubonya kusikire masholio kufuma kwa iro mbari ra wandu sena hata wandu ndewichaakufusha waya, hata ndekuchaaikuwisha mbari yako sena, anduangi, ini Bwana MLUNGU naghamba.”