ZEFANIA 3:11 - Biblia Ilagho Jiboie Kwa Wandu Wose

¹¹ Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

ZEFANIA 3:11 Referans Kwoze

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 61:7

Mchanekwa ishima mando awi wulalo ghwa ugho waya morekoghe nagho, mchachulwa ni kuboiwa kwa ifwa jenyu wulalo ghwa uko kumenywa konyu; kwa huwo mchakaia na mafungu awi isangenyi konyu, nenyo mchakaia na kuboilwa kwa kala na kala.

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

MATHAYO 3:9

Hata msakeghesha mkighamba wei, ‘Isi de wana wa Abrahamu.’ Angu namghoria, Mlungu wadima kughibonya magho agha ghiwuye wana wa Abrahamu.

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

WAROMA 2:17

Ela ngera kwakuwanga Myahudi, na kukusaghika kwa Sharia, na kukukasa kwa uko kummanya Mlungu kwako,

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

ZABURI 49:5

Kwaki niobuagha ngelo napatwa ni wasi; iji namarwa ni wakorongi wapo,

MITALO 16:3

Wikawikwanyikia Musa na Haruni, wikamzera, “Inyo mwaazidi! Kwa kukaia izungu jose ja wandu jaelie, na BWANA oko aghadi kwawo; idana mukujoseraki huwu aighu ya ikwanyiko ja BWANA?”

ZABURI 59:12

Kwa wundu ghwa madedo ghawo gha kaung'a, ndewiwado andenyi ya kukukasa kwawo. Kwa wundu ghwa kuewia na iro tee wawuyaghora,

ZABURI 131:1

BWANA sina ngolo ingi ekukasa, hata sizighanagha kwa kukujosa. Sikungiragha nimoni andenyi ya maza mbaa hata maza rikurie risenieliagha.

ISAYA 2:12

Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

ISAYA 5:15

Mdamu uchaserwa, na wandu wichaserwa, na awo wikukasire wichaserwa.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

JEREMIA 13:9

“Huwo niko nichaanona kukujosa kwa Juda, na uko kukujosa kubaa kwa Jerusalemu.

EZEKIELI 20:40

Inyo wandu wose wa Israeli, muchanitasa ini aighu ya mghondi ghwa wueli, ugho mghondi ghwapo mlacha ghwa Israeli, ini Bwana MLUNGU naghamba; nenyo mmbose mchanidumikia isangenyi, na aho nichamrumiria na kukaia tayari kuwusa manosi na mafunyo ghenyu gha wueli msaghue kunineka.