ZEFANIA 3:1 - Biblia Ilagho Jiboie Kwa Wandu Wose

¹ Ni bugha kwa Jerusalemu, muzi ghunonekie ghuleghagha kumsikira Mlungu na kukoronga wandu wake weni.

ZEFANIA 3:1 Referans Kwoze

JEREMIA 6:6

BWANA wa majeshi waghora huwu, “Demenyi midi yawo, m'bonye wurigha, mpate kughurughaia ugho muzi ghwa Jerusalemu, kwa kukaia ugho nigho muzi ifwane ghukabo kwa wundu ghwa kuchulwa ni kukoronga.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 30:12

Kwa huwo, Mlungu Mweli wa Israeli waghamba huwu, “Kwa kukaia mwamenya malagho ghapo, na kurumiria andenyi ya makorongo na tee, hata mkusaghike naro;

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

ZEKARIA 7:10

Msewikoronge waka wakiwa, wana wakiwa, waghenyi wiko aghadi konyu, angu mndungi usowagha. Msekaie na njama em'bonyera mndungi kiwiwi chingi.’

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

MIKA 2:2

Wikakunda mbuwa, wiariwada; wikakunda nyumba wiariwusa; ndekuwadie familia angu vilambo va mndungi viko na wulindiri ghukate.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

WALAWI 1:16

Niko uchainja chija kifu na wuchafu ghwaro na kuchidagha mbai na mbai ya madhabahu, chia ya mashariki andu ivu jidilwagha.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 3:9

Tangazirenyi wandu wikaiagha ngome ra Ashdodi na ngome ra isanga ja Misri muwizere, “Kwanyikenyi aighu ya mighondi ya Samaria; mzighane iyo ndoghoi iko aho, na makorongo ghawuyabonyeka aghadi yaro.”

EZEKIELI 23:30

ghwakushekerie kupatwa ni agho malagho ghose; angu kubonyere wumalaya na iro mbari ra wandu, na kukulusha na milimu yawo.

EZEKIELI 22:29

Waisanga weekuzaisira kukita na kusoka; wamkorongie mkiwa na uo usena kilambo chingi, na kumkita mghenyi kwa kumsoka hachi yake.

JEREMIA 5:23

Ela awo wandu weeka na ngolo rikurie relegha kusikira; wamerie kughaluka nambai na kughenda noko.

ISAYA 59:6

Midambo-dambo yaro ndeichaafwana kwa kuluka nguwo, hata wandu ndewidimagha kukufinikira iro nguwo mwaribonya. Kazi renyu ni mbiwi, na mikonu yenyu yachua mabonyo ghizamie.

JEREMIA 6:7

Seji kisima chifunyagha machi ghihorie ni huwo koni Jerusalemu ikaiagha na wuwiwi ghwake; lung'eto na kunoneka vasikirika andenyi yake, wukongo na vonda vawoneka imbiri kwapo kari kose.