ZEFANIA 2:8 - Biblia Ilagho Jiboie Kwa Wandu Wose

⁸ BWANA Uwadie-Ndighi-Rose waghamba, “Nasikire madukano gha Moabu na masholio gha Waamoni, seji wiwidukanire wandu wapo, na kukukasa aighu ya isanga jawo.

ZEFANIA 2:8 Referans Kwoze

AMOSI 1:13

BWANA waghamba, “Wandu wa Amoni wabonyere kaung'a sena na sena; kwa wundu ugho nichawikaba. Wuda ghwawo ghokunda kuchuria isanga warashue waka wa Gileadi wiko na vifu.

JEREMIA 49:1

BWANA waghamba huwu aighu ya Waamoni, “Welee, Israeli ndewadie wana? Welee, ndena mundu wa ifwa? Kwaki wandu wetasa ghuja mlungu Moleki wingirie isanga ja Gadi, na kukaia andenyi ya mizi yaro?

EZEKIELI 36:2

Bwana MLUNGU waghamba huwu, Angu uo m'maiza ukusekie ‘Aha! Ihi mighondi ya kala yawurie yedu,’

JOSHUA 5:9

BWANA ukamzera Joshua, “Idime iji nameria kuinja na mbai agho masholio morebonyerwagha ni Wamisri.” Niko andu aja kukawangwa Gilgali, hata idime.

ISAYA 15:1

Ughu ni wulodi aighu ya Moabu. Kwa kukaia mizi ya Ari na Kiri yamerelo kwa kio chimweri, kwa huwo isanga ja Moabu jeesia.

ISAYA 16:6

Wandu wa Juda wikatumbulia, “Dasikire seji wandu wa Moabu wikukasire; daichi seji wikudukie na kukuwona, ela kukuduka kwawo ni kwa duu.”

JEREMIA 12:14

BWANA waghora huwu aighu ya wambao Israeli wose wawiwi, awo wiwadie ifwa ja isanga orejinekieghe wandu wake Israeli jiwuye ifwa jawo: “Ola nichawifunya isangenyi kwawo, na kumvuvua Juda ufume aghadi kwawo.

KILILO CHA JEREMIA 3:61

“Kwasikire wikinidukana ee BWANA; kwaichi njama rawo rose cha kwapo.

EZEKIELI 21:28

“Na oho ee mwana wa mdamu, funya wulodi kughambe, ‘Bwana MLUNGU waghamba huwu aighu ya Waamoni, na aighu ya agho madukano ghawo: Lufu, lufu lwakulwa lupate kubwagha; lwazughulo, lwaawuyaaka-aka na kung'ala-ng'ala sa luhehia.

AMOSI 2:1

BWANA waghamba, “Wandu wa Moabu wabonyere kaung'a sena na sena; kwa wundu ugho nichawikaba. Weremsowieghe mzuri wa Edomu ishima kwa kukora maindi ghake ghikawuya ivu.

ZEFANIA 2:10

Huwo niko wandu wa Moabu na Amoni wichaakabwa kwa wundu ghwa lukaso na kukuduka kwawo, na kwa kuwidukana wandu wa BWANA Uwadie-Ndighi-Rose.

KUZOYA 19:37

Uja wa imbiri ukapata mwana ukammbanga Moabu, nuo ndee Wamoabu hata linu.

KUZOYA 19:38

Nao uja mtini ukava mwana ukammbanga Benami, nuo ndee Waamoni hata linu.

JEREMIA 48:1

BWANA wa majeshi, uo Mlungu wa Israeli waghamba huwu aighu ya Moabu, “Ni bugha kwa wandu wa Nebo, kwa kukaia muzi ghwawo ghwasighwa mduu. Kiriathaimu yasimwa na kuwadwa, iro ngome rawadwa rikachikanywa, na wandu wawo wafushwa waya.

EZEKIELI 25:1

BWANA ukaghora nani ukighamba,

EZEKIELI 35:12

Na oho kuchamanya kukaia ini BWANA nasikire masholio ghose kubonyere aighu ya mighondi ya Israeli kukighamba, ‘Yasighilo miduu, nayo dainekelo dipate kuiwusa.’