ZEFANIA 2:15 - Biblia Ilagho Jiboie Kwa Wandu Wose

¹⁵ Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.

ZEFANIA 2:15 Referans Kwoze

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

NAHUMU 3:19

Kushoghonoka kwako ndekurighitikagha, vonda varo ndeviboagha. Wandu wisikiragha malagho ghako, wichakaba chui kwa kuboilwa. Nani useichi kinyanya chako chisene kutua?

ISAYA 22:2

Kwaki mkemagha inyo muzi ghwa ndoghoi mukukasire? Wandu wenyu ndewibwaghilo kwa lufu hata kufwa wudenyi anduangi.

EZEKIELI 28:9

Welee, kuchachuria kughamba wei ‘Ini ne mlungu,’ iji kuko imbiri ya wabwaghi wako? Oho ko mdamu tu, iji kuko mikonunyi kwa wandu wawuyakushoghonua.

KILILO CHA JEREMIA 2:15

Wandu wawuyaida kaavui na muzi waawuyakuzighana kwa lumenyo. Wasughusa vongo vawo na kuseka kunoneka kwa Jerusalemu. Wakotia “Welee, ughu ni ghuja muzi ghoni ghorekoghe ghughokie? Nigho ghoni wurumwengu ghorekukasagha nagho?”

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

JEREMIA 19:8

Na muzi ughu nichaghubonya ghuzomelo na kushinikilwa ni kula mundu uidagha, kwa wundu ghwa uko kunoneka kwaro.

MATHAYO 27:39

Na wandu werekoghe wikiida wikamsholia Jesu wikisughusa vongo vawo,

EZEKIELI 29:3

kughambe, ini Bwana MLUNGU naghamba huwu: Ne m'maiza wako oho mzuri wa Misri, Oho choka mbaa kukaiagha aghadi ya meda yako, kukighamba, ‘Moda ghwa Naili ni ghwapo, ni ini nereghubonyereghe.’

EZEKIELI 27:36

Wandu wa biashara aghadi ya mbari ra wandu waawuyakuseka; kutua kwako koobosha, kwameria kukuvikia; hata ndekuchaawoneka kwa kala na kala.”

KILILO CHA JEREMIA 2:1

BWANA waiwikie Jerusalemu kirenyi kwa wundu ghwa machu ghake. Wakunonie kughoka kwake kwa wubaa kukanoneka putu. Ituku ujokelo ni machu ndecheekumbuka hata Hekalu yake.

ISAYA 32:9

Wukenyi inyo waka mwawuyasea kidombo kiduu munisikire; inyo wai mwawuyakuhoresha nideghienyi madu ghenyu.

AYUBU 27:23

Mbeo yamrumia ukikimbia; yammbinga noko ikimrumia.

AYUBU 16:4

Ini wori nadimagha kudeda sa inyo, ngera modeeka seji niko; nadimagha kudunga malagho ghesimana na inyo, ngimsughusira chongo chapo.

ISAYA 32:11

Kwa huwo, sughusikenyi inyo waka mwawuyasea kidombo kiduu mkikuhoresha; obuonyi inyo waka mkunde kukuhoresha; ruonyi nguwo renyu msigho duu, na kukufunga nguwo ra magunia viwonunyi konyu kwa wasi.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

ISAYA 47:10

“Korewonieghe ndekupatwagha ni ilagho jingi andenyi ya ugho wuwiwi ghwako, kukaghamba, ‘Ndekuwadie mndungi uniwonagha;’ ela hikima yako na kumanya kwako kwakulaghashire; kukaghamba ngolonyi kwako, ‘Ni ini moni hata ndekuwadie ungi unichumbie.’

JEREMIA 50:13

Kwa wundu ghwa machu ghapo ini BWANA, muzi ugho ndeghuchaakailwa ni mndungi, ela ghuchasighwa mduu putu; kula mundu uchaaida kaavui nagho uchashinika na kughuzomea kwa wundu ghwa agho makabo ghake.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

HABAKUKI 1:7

Ni wandu wa ndengwa, wioboshagha; wandu wikukasire wisena sharia.