ZEFANIA 2:11 - Biblia Ilagho Jiboie Kwa Wandu Wose

¹¹ BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ZEFANIA 2:11 Referans Kwoze

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

HOSEA 2:17

Sichaamsigha ughore marina gha Baali sena, na iyo milungu ndeichaaghorwa momunyi kwake sena anduangi.

ZABURI 138:4

Wazuri wose wa ndoenyi wichakukasa oho ee BWANA, angu wisikire agho malagho kulaghirie.

KUZOYA 10:5

Awa niwo werevaeghe wandu wikaera pwani yose; nawo ni kivalwa cha Jafethi, kunughana na masanga ghawo, viteto vawo, nyumba rawo, na mbari rawo.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.

ZEKARIA 8:23

Matuku agho wandu ikumi kufuma kwa mbari ra wandu wichammbwada Myahudi nguwo wikighamba, ‘Nndoko dikanye; dasikire Mlungu oko andwamweri nenyo.’”

ZEKARIA 8:20

BWANA Uwadie-Ndighi-Rose waghamba, “Ngelo ichacha, na wandu wichacha Jerusalemu kufuma mizi milazi.

ZEFANIA 3:9

“Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira.

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

ZABURI 72:17

Irina ja mzuri ndejiduo kwa kala na kala, na sare yake iere na kukaia luma sa iruwa. Wandu ndewilombe irasimio kwa chia yake, na mbari ra wandu rose rimmbange mrasimilwa.

WUKUMBUSO 32:38

Moreijishireghe mavuda gha vizongona venyu, mkaifunyira divei ipate kunywa. Ndeiche idana imtesie; ndeikimbie ichemvuvua.

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

JEREMIA 46:25

BWANA wa majeshi uo Mlungu wa Israeli waghamba, “Ola nichareda ikabo aighu ya Amoni mlungu ghwa Thebesi, na aighu ya mzuri wa Misri na milungu yake, na wazuri wake; aighu ya Farao chiaimweri na wose wawuyamsuwiria.

DANIELI 11:18

Konyuma, uchaghaluka cha masanga gha pwani, na kuwada malazi; Ela m'baa umu wa majeshi uchamsima, na kumeria uko kukukasa kwa mzuri wa Siria, na kumfusha waya.

MALAKI 1:14

Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”

ISAYA 2:18

Milimu yose ichasoweka putu.

ISAYA 2:20

Ituku jija, wandu wicharikumbia fuko na maososi iro fwana rawo ra feza na ra dhahabu, wereribonyereghe wiritase;