ZEFANIA 1:6 - Biblia Ilagho Jiboie Kwa Wandu Wose

⁶ Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

ZEFANIA 1:6 Referans Kwoze

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

JEREMIA 3:10

Aighu ya agho ghose, uja Juda wa kwawo useko mloli nderewurieghe kwapo kwa ngolo yake yose, ela odeeka ukibonya mikalo tu, waghamba BWANA.”

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

EZEKIELI 3:20

Sena mundu wa hachi ukaghaluka na kubonya wuwiwi, nani nimmbikie kikuwaro chemtangala, uchafwa. Kwa kukaia kusemghorie, uchafwa kwa wundu ghwa kaung'a yake, na agho mabonyo ghake gha hachi oreghibonyereghe, ndeghichaakumbukwa; ela bagha yake nichailawia kwako.

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 10:4

Mundu mmbiwi ukukasire ndemtalagha BWANA; wadaghesha ngelo rose Mlungu ungi ndeuko.

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.

HOSEA 7:7

“Wabwaghie wabaa wawo wose kwa machu ghawo gha modo. Wazuri wawo wabwaghilo umu umu, hata ndekuwadie ungi wawo wawuyanilomba wutesia.”

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

WAROMA 3:11

ndeko ungi utambukilwagha, ndeuko ungi umlolagha Mlungu.

ISAYA 43:22

Bwana waghamba, “Ela sena ndekorenitasireghe ee Jakobo, korenikojereghe ee Israeli.

JEREMIA 10:25

Machu ghako ndeghikaie aighu ya iyo mbari ya wandu wisekuichi oho, na kwa awo wandu wisejiwangiagha irina jako; kwa kukaia wamerie kuwibwagha wandu wa Israeli, wawibwaghie na kuwimeria putu, hata isanga jawo jeesighwa iduu.

HOSEA 7:10

Kukukasa kwa wandu wa Israeli kwawuyashudia aighu yawo; aighu ya maza rose riwipatire, ndewighalukie na kuwuya cha kwapo ini BWANA Mlungu wawo.

JOSHUA 23:12

Mkaghaluka na kukukwanya na masighariko gha wandu wisigharikie aha aghadi konyu, na kuloworana nawo wai wawo na wai wenyu,

2 SAMUELI 22:22

Kwa kukaia nererilindirieghe chia ra BWANA, hata seretaneghe na Mlungu wapo kwa kubonya wuwiwi anduangi.

2 MALAGHO GHA NGELO 15:13

na kukaia uo ose usemlolagha BWANA Mlungu wa Israeli ubwagho; ukakaia ni wa irika, angu mghosi; mndwawomi angu muka.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ZEFANIA 3:2

Ndeghumsikiragha BWANA hata kurumiria makosa ghake. Ndeghumrumiriagha BWANA hata kulola wutesia ghwake.