ZEFANIA 1:5 - Biblia Ilagho Jiboie Kwa Wandu Wose

⁵ Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

ZEFANIA 1:5 Referans Kwoze

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

2 WAZURI 17:33

Kwa huwo wikakaia wikimtasa BWANA, na ii chia wikitasa milungu yawo, kunughana na wutasi ghwa iro mbari ra wandu aho werefunyiroghe.

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

AMOSI 5:26

Ela idana, angu mtasire fwana ra Sakuthi, mzuri onyu mlungu, na Kaiwani mlungu ghonyu ghwa nyerinyeri, mchariduka iro fwana renyu

2 WAZURI 23:12

Na madhabahu ra Ahazi rerekoghe aighu ya chumba cha ighu, iro rerebonyeroghe ni wazuri wa Juda; na iro rerebonyeroghe ni Manase awazenyi iwi ra Hekalu, rerechikanyiroghe ni Mzuri Josia, ukarichana-chana na kudia teri yaro modenyi ghwa Kidroni.

2 WAZURI 17:41

Kwa huwo mbari iri rikakaia rikimtasa BWANA, na kudumikia fwana ra milimu yawo, hata na wana wawo na weke wawae wikanugha mfwano ugho hata linu.

1 WAZURI 18:21

Elija ukasoghoda kaavui na wandu wose ukaghamba, “Wele mdua andenyi ya maghesho awi hata lii? Ikakaia BWANA ni Mlungu mtasenyi; ela ikakaia ni Baali uko Mlungu, basi mtasenyi.” Awo wandu wikanyama kima.

WAROMA 14:11

angu yaandikilo, “Sa iji niko moyo, waghamba Bwana, kula ngokoro ichadungwa imbiri kwapo; na kula mundu uchamkasa Mlungu.”

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 5:7

BWANA waaghamba, “Nidima wada kukufuya wughoma? Wana wako wanileghie, na kughema kwa ivo viseko milungu ingi. Iji nerewijishireghe wikaghuda, werelakieghe na kungia andenyi ya nyumba ra malaya.

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

ISAYA 48:1

Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ISAYA 45:23

Naghemie kwa ini nimoni kukaia, ilagho japo ja hachi ndejichaaghosha; jighambagha, ‘Kula mundu uchanidungia ngokoro, na kughema kwa momu ghwake imbiri kwapo.’

ISAYA 44:5

“Na mndumu uchaghora, ‘Ini ne wa BWANA,’ mzima uchakuwanga kwa irina ja Jakobo, umu uchakuandika mkonunyi kwake, ‘Wa BWANA;’ na kukuwanga moni kwa irina ja Israeli.”

1 WAZURI 11:5

Ukatasa mlungu ghwa waka Ashtorethi ghwa Sidoni, na mlungu ghwa wuchafu ghwa Waamoni.

JOSHUA 23:7

eri msechewadana na mbari ra wandu wisigharikie aghadi konyu, angu kuighora milungu yawo, angu kughema, angu kuidumikia, angu kuighoghomia.

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

MABONYO GHA WADUMI 10:9

Ituku ja kawi, iji werekoghe wikighenda, ngelo wavika kaavui na muzi, Petro orekoghe wajoka aighu nyumbenyi kwenda lomba Mlungu sa saa irandadu.

2 WAZURI 17:32

Wokoni werekoghe wamtasa BWANA, na kuwika wakohani kufuma kwawo koni, wikaie wakohani wa aho andu kotasira milimu mighondinyi wipate kufunyagha vizongona aho.

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

JEREMIA 7:10

nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

JEREMIA 8:2

na kuanikwa airuwenyi na morinyi, na majeshi ghose gha mlungunyi, agho wereghikundieghe wikighidumikia; wikighinugha, na kughilola na kughitasa. Ndewichaatumbanywa na kurikwa, ela wichakaia sa wuchafu andoenyi.

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

JEREMIA 49:1

BWANA waghamba huwu aighu ya Waamoni, “Welee, Israeli ndewadie wana? Welee, ndena mundu wa ifwa? Kwaki wandu wetasa ghuja mlungu Moleki wingirie isanga ja Gadi, na kukaia andenyi ya mizi yaro?

HOSEA 10:2

Wandu wiko na ngolo ra mikalo suti wipato ni wasi kwa wundu ghwa wuwiwi ghwawo. BWANA ucharichikanya madhabahu rawo, na kurinona nguro rawo retasa.

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.

ISAYA 22:1

Agha ni malagho aighu ya Vololo ya Mawono. Kutambua kwaro niki inyo mmbose kujoka aighu nyumbenyi mwambori?