ZEFANIA 1:4 - Biblia Ilagho Jiboie Kwa Wandu Wose

⁴ “Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

ZEFANIA 1:4 Referans Kwoze

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

MIKA 5:13

Nichainona milimu yako na nguro rako ra magho retasa; hata ndekuchaatasa kilambo chingi kuchibonyere anduangi.

JEREMIA 6:12

Nyumba rawo richanekwa wandu wazima, mbuwa rawo chiaimweri na waka wawo wori, kwa kukaia nichaghughorua mkonu ghwapo kuwikaba wandu wose wikaiagha isangenyi.

2 MALAGHO GHA NGELO 34:4

Ukafunya momu madhabahu ra weke Baali rivuchulo, na madhabahu refukiria marumba rerekoghe naighu yaro rikainjwa, na fwana ra Ashera na fwana riwachilo na iro richanilo, rikabarwa na kusheghwa hata rikawuya teri; nayo ikadilwa aighu ya makaburi gha awo wandu werekoghe wikirifunyira vizongona.

2 WAZURI 21:13

Nichaikaba Jerusalemu sa iji koni nereikabieghe Samaria, na kivalwa cha Ahabu; nani nichainja wandu wa Jerusalemu seji mundu upangusagha sahani, na kuipurughusa.

KUFUMA 15:12

Oho koreghughorueghe mkonu ghwako ghwa kiwomi na ndoe ikawimila.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

EZEKIELI 6:14

Nani nichaghorua mkonu ghwapo kulwa nawo, hata isanga jisigho iduu andu kose wandu werekoghe wikikaia; kufuma kireti hata Ribla. Niko wichaamanya kukaia ini ne BWANA.”

EZEKIELI 25:7

kwa huwo, olenyi naghorua mkonu ghwapo aighu yenyu, nani nichamfunya na kumneka wandu wa iro mbari ra wandu; nichamuinja wandunyi na kumtotesha masangenyi. Aho niko mchaamanya kukaia ini ne BWANA.”

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ZEFANIA 2:13

BWANA uchamtotesha Ashuru kwa ndighi rake. Muzi ghwa Nineve ghuchakimbilwa ghuwuye kireti chisena machi.

2 WAZURI 23:12

Na madhabahu ra Ahazi rerekoghe aighu ya chumba cha ighu, iro rerebonyeroghe ni wazuri wa Juda; na iro rerebonyeroghe ni Manase awazenyi iwi ra Hekalu, rerechikanyiroghe ni Mzuri Josia, ukarichana-chana na kudia teri yaro modenyi ghwa Kidroni.