ZEFANIA 1:15 - Biblia Ilagho Jiboie Kwa Wandu Wose

¹⁵ Ituku ijo jichakaia ja machu mabaa; ituku ja wasi na kuwawa, ituku ja kunoneka, ituku ja kira na kiture, ituku ja mawingu na kira kibaa;

ZEFANIA 1:15 Referans Kwoze

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

ISAYA 22:5

Kwa kukaia ituku ja BWANA Mlungu wa majeshi jameria kuvika; ituku ja ndoghoi na matiriro ghewadilwa-wadilwa, na kuvurughwa akili andenyi ya Vololo ya Mawono. Mawurigha gha muzi ghodu ghameria kughushwa andoenyi, na chwaka ra wandu wikemagha cha mighondinyi rasikirika.

WUFUNUO 6:17

angu ituku ibaa ja machu ghawo jameria kucha, nao nani udimagha kujirumaghia?”

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

ZEFANIA 2:2

imbiri mseinjiro sa mafozi ghadukwa ni mbeo, imbiri msechelo ni machu ghibirie gha BWANA, imbiri ijo ituku ja lubio jisechee aighu yenyu.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

WUKUMBUSO 28:52

Wichakumaria mbai-mbai andenyi ya mizi yako yose, na mawurigha ghako ghimange ghiko ighu, agho korekusaghikagha nagho, ghichavuchulwa isangenyi kwako kose, ijo kunekwaghwa ni BWANA Mlungu wako.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

ISAYA 13:9

Ola ituku ja BWANA jaawuyacha, ijo ituku jizamie ja machu ghake ghibirie, upate kuibonya ndoe isigho nduu, na kuwitotesha awo wakaung'a wiko andenyi yaro.