ZABURI 127:3 - Biblia Ilagho Jiboie Kwa Wandu Wose

³ Wana ni manosi ghifumagha kwa BWANA; ni marasimio gha loli.

ZABURI 127:3 Referans Kwoze

WUKUMBUSO 28:4

Kucharasimilwa kuve wana wengi; ndoe ichava kwa wungi na nyamandu, na mfugho rako richachurikia, na wana wa ng'ondi wako.

1 SAMUELI 1:27

nedeeka ngimlomba umwana, na BWANA ukanitumbulia ilombi japo.

ISAYA 8:18

Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

KUZOYA 48:4

‘Nichakubonya oho kuve kwa wungi na kuchurikia, na kivalwa chako chichawuya mbari nyingi, na isanga iji jichawuya ifwa ja kala na kala ja kivalwa chako.’

KUZOYA 33:5

Hata iji Esau wawusira meso ghake na kuzighana, ukawiwona waja waka na wana ukaghamba, “Ni weke ani awa mkwanye?” Jakobo ukaghamba, “Ni wana awa Mlungu uninekie ini mdumiki wako kwa wucha ghwake.”

KUZOYA 1:28

Mlungu ukawirasimia ukaghamba, “Venyi mchurikie, mchure ndoenyi kose, nayo muibonyere nguma, mkaie na nguma aighu ya samaki ra baharinyi, na nyonyi ra mbeonyi, na kula nyamandu iko ndoenyi kose.”

KUZOYA 24:60

wikamrasimia Rebeka wikighamba, “Mwanidu kukaie mae wa milioni nyingi, kivalwa chako chisime mizi ya wamaiza wawo.”

1 MALAGHO GHA NGELO 28:5

Na kwa wana wapo wose (angu waninekie wana wengi) wamsaghue mwana wapo Solomoni ubonye nguma aighu ya Israeli, ugho wuzuri ghwake.

ISAYA 13:18

Wichabwagha wandu wa irika kwa ndana na mawanu ghawo. Ndewichaakaia na wughoma gungi kwa wana wiongagha, hata kuwiwonia wughoma wana watini.

KUZOYA 4:1

Nao Adamu ukammanya mkake Hawa, ukapata kifu, ukamva Kaini. Ukaghamba, “Nampata mwana wa womi kwa wutesia ghwa BWANA.”

WUKUMBUSO 28:11

BWANA uchakubonya kuwone mecha kwa wungi; kuchava kwa wungi, na mfugho rako rive kwa wungi, na ndoe yako ive kwa wungi andenyi ya ijo isanga BWANA Mlungu wako orewighemieghe weke ndeyo kukaia uchakuneka.

WATANYI 12:9

Orekoghe na wadawana mirongo idadu, na wai mirongo idadu awo orewifunyireghe wikalowolwa cha shighadi ya kichuku chake; na kuwireda wai mirongo idadu kufuma shighadi ya kichuku chake wilowolo ni wadawana wake. Nao ukatanya Israeli kwa miaka mfungade.

2 SAMUELI 3:5

na wa karandadu ni Ithreamu, mae ni Egla mka Daudi. Daudi orevailoghe awa wana uko Hebroni.

1 MALAGHO GHA NGELO 8:40

Wana wa Ulamu werekoghe mang'oni mabaa gha wuda, witumiagha ndana; nawo werekoghe na wana na weke wawae wengi, wandu ighana na mirongo misanu. Awa wose werekoghe Wabenjamini.

AYUBU 1:2

Orevaeghe wana wa womi mfungade na wa waka wadadu.