ZABURI 127:2 - Biblia Ilagho Jiboie Kwa Wandu Wose

² Kuwuka nakesho, na kuchelewa kulala, kukidumika nandighi kupate vindo veja ni kazi nduu; kwa kukaia BWANA wadawikatishira awo uwikundagha ngelo wiko wilale.

ZABURI 127:2 Referans Kwoze

MCHILI 5:12

Dilo ra mpakazi rasingie, ujagha vindo vitini angu vingi; mzuri wa mali ndelalagha kwa kughesha wungi ghwa mali rake.

ZABURI 4:8

Nichalala andonyi kwa sere, na kupata dilo. Ni oho kuekeri ee BWANA, kunibonyagha nikaie banana.

AYUBU 11:18

Kuchakaia banana kuko na isuwirio; Mlungu uchakulindia na kukuhoresha.

ZABURI 3:5

Nadalala andonyi na kupata dilo; nadawuka angu BWANA unilindiagha.

JEREMIA 31:26

Aho niendawuka kufuma dilonyi rapo ngazighana ngaghamba, “Nalale dilo risingie ngawuka nicha.”

EZEKIELI 34:25

Nichabonya ilaghano ja sere andwamweri naro, na kuinja nyamandu ra isakenyi rifume isangenyi; ripate kukaia banana kireti, rikilala kilembenyi.

MCHILI 1:14

Nawonie maza rose rawuyabonywa wurumwengunyi; ela rose ni duu; ni sa kulwa na mbeo.

MCHILI 6:7

Mundu wadabonya kazi rose eri upate vindo, ela ndekatwagha.

MCHILI 4:8

Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

ZABURI 60:5

Kudikire na kuditesia kwa ndighi rako, eri wandu wako kuwikunde wipate kukirwa.

MAKATANISHO 10:22

BWANA nuo umrasimiagha mundu uwuye mzuri wa mali; ndemsighagha uje wasi kwa wundu ghwaro.