WUKUMBUSO 9:9 - Biblia Ilagho Jiboie Kwa Wandu Wose

⁹ Nani iji nerejokieghe mghondinyi kuwusa vishawalata va magho, ivo va ilaghano BWANA orejibonyereghe nenyo, nerekaieghe aighu ya mghondi matuku mirongo ina kio na dime; serejieghe vindo, hata kunywa machi ghangi.

WUKUMBUSO 9:9 Referans Kwoze

KUFUMA 34:28

Musa ukakaianya na BWANA aho matuku mirongo ina kio na dime, usejie hata kunywa kindo chingi. Ukaandika ijo ilaghano aighu ya vija vishawalata va magho, iyo memu ikumi.

KUFUMA 24:18

Musa ukajoka mghondinyi na kungia andenyi ya ijo iwingu. Ukakaia aho matuku mirongo ina, kio na dime.

1 WAZURI 19:8

Elija ukawuka ukaja na kunywa; ukaghenda kwa ndighi ra ivo vindo matuku mirongo ina kio na dime, hata ukavika Mghondi ghwa Mlungu ghwa Sinai.

KUFUMA 24:15

Niko Musa ukajoka cha mghondinyi, na iwingu jikafinikira mghondi.

KUFUMA 24:12

BWANA ukamzera Musa, “Joka cha kwapo mghondinyi, kuweserie aho nani nichakuneka vitongo viwi va magho viko na sharia na malaghiro ghose nighiandikie kwa kuwifundisha wandu.”

MATHAYO 4:2

Ukafunga tumu matuku mirongo ina na vio varo, na kutua kwaro ukasikira njala.

WUKUMBUSO 9:18

Niko ngaghwa kijimijimi sena imbiri ya BWANA sa imbiri matuku mirongo ina kio na dime. Serejieghe vindo hata kunywa machi kwa wundu ghwa iyo kaung'a yose ebonya ugho wuwiwi imbiri ya BWANA, hata mkamshekeria ujoko ni machu.

WAGALATIA 4:24

Idana ughu ni mfwano; waka awo, ni malaghano awi. Ilaghano jimu jeefuma Mghondi ghwa Sinai, nagho ni sa Hagari uvagha wana wuzumbenyi.

2 WAZURI 6:22

Elisha ukatumbulia, “Kusewibwaghe. Wele kuabwagha wandu kwawidwa wunyika kwa lufu lwako na ndana yako? Wineke vindo wije, na machi winyo, wipate kuwuya kwa bwana wawo.”

WUKUMBUSO 9:15

“Niko ngaghaluka ngasea mghondinyi, nagho ghorekoghe ghukiaka modo; ivo vishawalata va magho va ilaghano nerekoghe naviwadia mikonunyi.

KUFUMA 31:18

Niko iji Mlungu wameria kudedanya na Musa aighu ya Mghondi ghwa Sinai, ukamneka vishawalata viwi va magho, viko na memu uiandikie moni kwa chala chake.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;

WUKUMBUSO 8:3

Ukamfundisha kuida andenyi ya maza rikurie kwa kumsigha mkaie njala, ima ukamneka mana muje, iyo msereiichighi, hata na weke ndeyo wori; eri mpate kumanya angu mdamu ndekaiagha moyo kwa vindo veni anduangi, ela wadakaia moyo kwa kula ilagho jidedwagha ni BWANA.

WUKUMBUSO 9:11

Nao kutua kwa agho matuku mirongo ina kio na dime, BWANA ukanineka ivo vishawalata va magho va ilaghano.

KUFUMA 32:1

Nao iji wandu werewonieghe angu Musa wamuka luma aho mghondinyi, wikakwanyika chiaimweri kwa Haruni wikamzera, “Isi ndedimanyagha malagho ghimpatire uo mundu Musa udijosere kufuma isanga ja Misri. Kwa huwu wuka kudibonyere milungu edighenja.”