WUKUMBUSO 9:10 - Biblia Ilagho Jiboie Kwa Wandu Wose

¹⁰ BWANA ukanineka ivo vishawalata va magho viwi viandikilo na chala cha Mlungu; na aighu yaro koreandikiloghe malagho ghose agho BWANA oreghorieghe nenyo aighu ya mghondi aghadi ya modo, ijo ituku ja ikwanyiko.

WUKUMBUSO 9:10 Referans Kwoze

KUFUMA 31:18

Niko iji Mlungu wameria kudedanya na Musa aighu ya Mghondi ghwa Sinai, ukamneka vishawalata viwi va magho, viko na memu uiandikie moni kwa chala chake.

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

WUKUMBUSO 18:16

“Ituku morekwanyikieghe aja Mghondi ghwa Sinai, morelombieghe msewuesikira BWANA ukideda sena, hata kuwona ulo lumu lwa modo mchefwa.

WUKUMBUSO 10:4

Nao BWANA ukaandika aighu ya vija vishawalata va magho maandiko ghaja gheni sa ghaja gha imbiri, iyo Memu Ikumi; iyo oremnekieghe iji orededagha andenyi ya modo ituku morekwanyikieghe mghondinyi, ukanineka.

2 WAKORINTHO 3:3

Nenyo mwawonyera moko barua diiredie ifumie kwa Kristo, nayo ni barua iseandikilo kwa wino, ela eandikwa kwa Roho wa Mlungu uko moyo; hata ndeiandikilo aighu ya vishawalata va magho anduangi, ela eandikwa andenyi ya ngolo ra wandu.

LUKA 11:20

Ela ikakaia naawuyariwinga kwa ndighi ra Mlungu, aho loli Wuzuri ghwa Mlungu ghwameria kumchea.

MATHAYO 12:28

Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.