WUKUMBUSO 8:5 - Biblia Ilagho Jiboie Kwa Wandu Wose

⁵ Kumbukenyi kukaia BWANA Mlungu onyu wadam'bonyera sa wana wake kwa kumkaba na kumfundisha.

WUKUMBUSO 8:5 Referans Kwoze

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

MAKATANISHO 3:12

BWANA wadamkania uo umkundagha, seji ndee mwana umkaniagha mwana wake umkunde.

2 SAMUELI 7:14

Ini nichakaia ndee, nao uchakaia mwana wapo. Ukabonya makosa, nichamkaba kwa kutumia wandu, sa iji koni ndee mwana ukabagha mwana wake.

1 WAKORINTHO 11:32

Ela iji datanywa ni Bwana, dakabwa; eri disechetanywa andwamweri na wurumwengu.

ZABURI 94:12

Warasimilwa uo mundu kumkaniagha kwa kumkaba ee BWANA, uo kumfundishagha Sharia yako.

EZEKIELI 18:28

Kwa kukaia wacheemanya ukaghaluka kufuma kwa makosa ghake oreghibonyereghe; loli uchakaia moyo, ndechaafwa anduangi.

ZABURI 89:32

nichawikaba kwa wundu ghwa kaung'a yawo, na kuwibonya wipate wasi kwa wundu ghwa mawiwi ghawo.

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

EZEKIELI 12:3

Kwa wundu ugho ee mwana wa mdamu, kufunge msigo ghwako nadime wandu wikiwona, ugho msigo ghoghenda wubarishonyi; kuchafuma andu kuko, kughende andu kuzima wikiwona; kewada wadima kutambukilwa hata ngera ni wandu welegha.

WUKUMBUSO 4:23

Mkulindie, msecheliwa ilaghano ja BWANA Mlungu onyu, ijo orebonyereghe nenyo, nao m'bonye fwana riwachilo rifwanane na kilambo chingi icho BWANA Mlungu onyu umkanie.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

WUKUMBUSO 4:36

Orekusighieghe kusikire lwaka lwake kufuma mlungunyi, eri upate kukufundisha; ukakusigha kuwone modo ghwake m'baa andoenyi, na oho kukalusikira lwaka lwake kufuma modonyi.

WUKUMBUSO 8:6

Kwa wundu ugho, mughiwadie malaghiro ghake; mughibonye mkimuobua.

MAKATANISHO 13:24

Mundu usetumiagha changu, ndemkunde mwana wake, ela uo umkunde mwana wake, wadamdama.

MCHILI 7:14

Malagho ghikakuendia nicha, kuboilo; kukapatwa ni wasi, kuririkanye. Malagho ghose ghadabonywa ni Mlungu, eri mdamu usemanye agho ghimcheagha.

WUKUMBUSO 1:31

na kireti wokoni. Morewonieghe BWANA ukimduka seji mundu udukagha mwana wake andu kose moreidirieghe hata mkavika aha.’

MAKATANISHO 3:11

Mwana wapo, kusakemenya kukania kwa BWANA, hata kusezamilo ni kukemia kwake.