WUKUMBUSO 7:16 - Biblia Ilagho Jiboie Kwa Wandu Wose

¹⁶ Kutoteshe wandu wose BWANA Mlungu onyu uchaamsimia; msewiwonie wughoma ghungi, hata msetase milungu yawo; angu awo wichawuya mdegho konyu.

WUKUMBUSO 7:16 Referans Kwoze

KUFUMA 23:33

Msewisighe awo wandu wikaie isangenyi konyu; kwa kukaia mkawisigha wichamshekeria munibonyere kaung'a. Mkatasa milungu yawo, kwa loli ichawuya mdegho konyu.”

WATANYI 8:27

Gideoni ukabonya naivera kwa vilambo ivo, ukaiwika mzinyi kwake Ofra; na Waisraeli wose wikaghenda kuitasa wulalo ghwa Mlungu; na ilagho ijo jikawuya mdegho kwa Gideoni na nyumba yake.

1 WAKORINTHO 15:33

Msakekalilwa, “Wungara ghwa madedo ghizamie ghwadanona tabia ndicha.”

WUKUMBUSO 25:12

kumdumbuo mkonu ghwake, kusemmbonie wughoma ghungi.

WUKUMBUSO 19:21

Msekaie na wughoma ghungi; adhabu ichakaia irangi kwa irangi, iriso kwa iriso, ighegho kwa ighegho, mkonu kwa mkonu, na kughu kwa kughu.

WUKUMBUSO 19:13

Msemmbonie wughoma ghungi ela muinje ikosa jebwagha mundu andenyi ya Israeli, mpate kukaia nicha.

WUKUMBUSO 13:8

mserumirie hata kumsikiria; hata kusemmbonie wughoma ghungi, angu kumsigha ukuvise.

ZABURI 106:36

Wandu wa Mlungu wikatasa milimu ikawishekeria kutota.

WUKUMBUSO 7:2

na iji BWANA Mlungu wam'bonya murisime, suti muritoteshe putu; msebonye ilaghano jingi nawo, hata msewiwonie wughoma ghungi.

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

WATANYI 3:6

Wikaloworana na kutasa milungu yawo.

WATANYI 2:3

Idana namghoria sichaawiwinga wifume, ela wichawuya wamaiza wenyu, na milungu yawo ichawuya shaghala konyu muitase.”

MITALO 33:55

Ela mkakaia msewiwingie awo waisanga wisigharikagha, wichakaia sa vilambo vedunga meso ghenyu, na sa minjwa edunga mbarunyi konyu; nawo wichamsumbua andenyi ya isanga mchaajikaia.

WATANYI 2:12

Wikasigha kumtasa BWANA, uo Mlungu wa weke ndee uo orewifunyireghe isanga ja Misri; wikazoya kutasa milungu mizima, na milungu ya awo wandu werekoghe mbai mbai kwawo. Wikaighoghomia hata BWANA ukajokwa ni machu.

WUKUMBUSO 7:25

Mkore milimu yawo; msekaie na bea ingi ya feza angu dhahabu rishingilo aighu yaro, hata mseiwuse mchengia mdeghonyi; kwa kukaia radamzamia BWANA Mlungu onyu.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

ZABURI 106:34

Ndewerewitoteshereghe wandu wa Kanaani; seji BWANA orewilaghirieghe;

WUKUMBUSO 13:9

Ela kukaie wa imbiri kuzoya kum'bwagha, konyuma niko wandu wose wimngirie.