WUKUMBUSO 6:2 - Biblia Ilagho Jiboie Kwa Wandu Wose

² Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

WUKUMBUSO 6:2 Referans Kwoze

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

WUKUMBUSO 13:4

Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

ZABURI 128:1

Warasimilwa kula mundu umuobugha BWANA, na kunugha sharia rake.

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

MAKATANISHO 3:16

Hikima yadakuneka matuku mengi; na mali na ishima.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

WUKUMBUSO 22:7

Kusighe mae ughende, ela kwadima kudwa majana; eri kupate kukaia nicha, na kudua moyo matuku mengi.

WUKUMBUSO 6:7

kuwifundishe wana wako nicha, na kuja malagho gharo ngelo muko nyumbenyi, hata kukighenda, hata ngelo kwakaia akandonyi, na ngelo ewuka.

WUKUMBUSO 4:10

seji morewonieghe iji morekoghe kimusi imbiri ya BWANA Mlungu onyu aja Mghondi ghwa Sinai ngelo orenizerieghe, ‘Nikwanyire wandu, nipate kuwibonya wisikire malagho ghapo, eri wipate kukufundisha kuniobua matuku ghose wichaakaia moyo ndoenyi; nawo wipate kuwifundisha wana wawo wokoni.’

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.

WUKUMBUSO 11:9

Nenyo mpate kukaia moyo matuku mengi isangenyi ijo BWANA orewilaghirieghe weke ndeyo kukaia uchawineka chiaimweri na kivalwa chawo, isanga jinorie nandighi.

ZABURI 91:16

Nichawinosa kukaia moyo luma, na kuwikira.”

EZEKIELI 20:19

Ini BWANA ne Mlungu onyu; mghende kwa kunugha memu yapo, na kuriwadia sharia rapo nicha.

WUKUMBUSO 6:24

Niko BWANA ukadilaghira dirikatishe sharia iri rose, dipate kumuobua BWANA Mlungu odu kwa wundu ghwa wucha ghodu ngelo rose, eri upate kudiwika moyo seji diko idime.

WUKUMBUSO 15:5

iji mwasikira agho BWANA Mlungu onyu umghoriagha, na kulindia kukatisha agho malaghiro ghose nimlaghiragha idime.

WUKUMBUSO 30:19

Nawanga mlungunyi na ndoenyi rishuhudie aighu konyu idime kukaia, nameria kuwika imbiri konyu irangi na kifwa, irasimio na njowe; kwa huwo saghuonyi irangi eri inyo na kivalwa chenyu mkaie moyo.

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”

JOSHUA 4:24

eri wandu wose wa ndoenyi wipate kumanya kukaia ndighi ra BWANA reko aeni; nenyo mpate kumuobua BWANA Mlungu onyu kwa kala na kala.”

1 WAZURI 8:40

Niko aho wichaakuobua oho matuku ghose wichaakaia andenyi ya isanga korewinekieghe weke wawa.

MAKATANISHO 9:11

Kwa chia yapo matuku ghako ghichakaia mengi, na miaka ya irangi jako ichachurikia.

JEREMIA 32:39

Nichawineka nia imweri na chia imweri, wipate kuniobua kwa kala na kala kwa mecha ghawo na gha wana wawo wichaanugha nyuma.