WUKUMBUSO 5:10 - Biblia Ilagho Jiboie Kwa Wandu Wose

¹⁰ ela nadawiwonyera lukundo lwapo wandu elfu elfu awo winikundagha na kuiwadia memu yapo.

WUKUMBUSO 5:10 Referans Kwoze

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

JEREMIA 32:18

oho kuwonyeragha lukundo lukatie kwa maelfu, ela sena kwadawikaba wandu wako kwa wundu ghwa kaung'a ra weke ndee. Ee Mlungu m'baa kuwadie ndighi rose, oho irina jako kuwangwagha BWANA wa majeshi,

JAKOBO 1:25

Ela uo uizighanagha sharia ikatie, iyo iwikagha wandu huru, nao urumaghie, ukisikira useliwagha, ela wakaia m'bonyi ukatishagha, mundu uo ucharasimilwa kwa agho ubonyagha.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

JOHANE 15:14

Inyo moko waghenyi wapo mkabonya agho nimlaghiragha.

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

JOHANE 14:15

“Mkanikunda mchaiwadia memu yapo.

KUFUMA 20:5

kusakevighoghomia hata kuvidumikia, angu ini BWANA Mlungu wako, ne Mlungu uko na iriso; nawikabagha wanake kwa wundu ghwa kaung'a ra weke ndee, hata kivalwa cha kadadu na cha kana; awo wizamilwagha ni ini;

KUFUMA 34:7

Nadakatisha lukundo lwapo kwa maelfu na maelfu gha wandu; nadaleka mawiwi na kaung'a, ela simtalagha mkosi kukaia ndekosere anduangi, hata wana wa wana wawo kuvikia kivalwa cha kadadu na cha kana kwa wundu ghwa kaung'a ra wavi wawo.”

MITALO 14:18

‘Ini BWANA sijokwagha ni machu shwa-shwa; neko na lukundo lubaa, nani nadafuya wughoma na kuleka makosa; simtalagha mkosi kukaia ndekosere; nadawitalia wana makosa gha weke ndee hata kivalwa cha kadadu na cha kana’.

WUKUMBUSO 7:9

Kwa huwo manyenyi kukaia BWANA Mlungu onyu, ni Mlungu; nao ni mloli umaziriagha ilaghano na kukaia na lukundo lukatie kwa awo wimkundagha na kuiwadia memu yake hata vivalwa elfu;

JOSHUA 22:5

Mlindie kuiwadia memu na sharia iro Musa mdumiki wa BWANA oremlaghirieghe; kumkunda BWANA Mlungu onyu, na kubonya lukundo lwake kwa kula chia; kuiwadia memu yake, kuwadana nao na kumdumikia kwa ngolo renyu rose, na kwa roho renyu rose.”

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 7:12

“Mkaghisikira agho mafundisho na kughikatisha, BWANA Mlungu onyu uchajimazira ilaghano jake, na kukaia na lukundo lukatie konyu; sa iji orewighemieghe weke ndeyo.