WUKUMBUSO 5:1 - Biblia Ilagho Jiboie Kwa Wandu Wose

¹ Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 5:1 Referans Kwoze

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

MATHAYO 23:3

kwa huwo agho ghose wimzeragha, ghiwadenyi na kughibonya, ela msakebonya seji wibonyagha; angu awo wadaghora ela ndewibonyagha anduangi.

WUKUMBUSO 29:10

“Inyo mmbose moko aha kimusi imbiri ya BWANA Mlungu onyu idime. Vilongozi va vichuku venyu, waghosi wenyu, na wabaa wenyu; wandu wose wa Israeli.

WUKUMBUSO 29:2

Nao Musa ukawiwanga wandu wose wa Israeli ukawizera: “Mwamerie kuwona mmbeni maza rose BWANA oreribonyereghe kwa mzuri wa Misri, na kwa wadumiki wake, na kwa isanga jake jose.

WUKUMBUSO 1:1

Chuo ichi cheko na malagho gha Musa orewijieghe Waisraeli wose iji werekoghe kireti, mashariki ya Moda ghwa Jordani. Werekoghe Vololo ya Jordani kaavui na Sufu ghadi na ghadi ya muzi ghwa Parani luwaru lumu na mizi ya Tofeli, Labani, Hazerothi, na Dizahabu luwaru lumu.

KUFUMA 18:20

Na oho kuchawifundisha memu ya Mlungu, na kuwimanyisha seji iwifwane wighende, na seji iwifwane wibonye.

WUKUMBUSO 4:49

Sena ghorekoghe chiaimweri na Araba yose iichia cha mashariki ya Jordani hata kuvikia Bahari ya Araba, naisi ya lughongo lwa Pisga.

WUKUMBUSO 5:2

BWANA Mlungu odu orebonyereghe ilaghano nesi aja Sinai.

ZABURI 78:7

Kwa chia iyo wichawika irumirio jawo kwa Mlungu hata ndewichaaliwa kazi rake, ela wichaiwadia memu yake.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 6:17

Kuiwadie nicha memu ya BWANA Mlungu wako, na kanuni rake na sharia rake oremlaghirieghe.

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 12:1

“Iri niro sharia na malaghiro imfwane mlindie kughikatisha andenyi ya ijo isanga BWANA Mlungu wa weke ndeyo umnekie kujiwusa ngelo rose mchaakaia ndoenyi.

WUKUMBUSO 17:19

Ukaie nacho eri uchishomeghe matuku ghose gha irangi jake. Ukufundishe kumuobua BWANA Mlungu wake na kuiwadia sharia kwa wuloli ghose.

WUKUMBUSO 28:15

“Ela kukalegha kumsikira BWANA Mlungu wako, angu kuleghalindia kukatisha agho malaghiro ghake gha sharia rake nikulaghiragha idime, kuchawadwa ni njowe iri rose.

JOSHUA 1:8

Kusesighe kushoma chuo cha Sharia; kukufundishe aho kio na dime, kupate kukulindia na kubonya ghose sa iji koni maandiko ghighambagha. Kwa chia iyo kuchakaia nicha kwa mighendo yako, sena kuchapata wusimi.