WUKUMBUSO 4:12 - Biblia Ilagho Jiboie Kwa Wandu Wose

¹² Muwighorie seji BWANA oreghorieghe nenyo kufuma ahoeni modonyi; mkasikira lwaka, ela ndemorewonieghe fwana ingi, modesikira lwaka loni.

WUKUMBUSO 4:12 Referans Kwoze

WUKUMBUSO 5:22

“BWANA oreghorieghe malagho agha kwa ikwanyiko jenyu jose aho mghondinyi, aghadi ya modo, iwingu na kira chikambie, na lwaka lubaa; hata nderechurieghe ilagho jingi. Nao ukaghiandika aighu ya vishawalata viwi va magho, ukanineka.

WUKUMBUSO 5:4

BWANA oreghorieghe nenyo wushu kwa wushu aho mghondinyi, aghadi ya modo.

WUKUMBUSO 4:15

“Iji BWANA oreghorieghe nenyo andenyi ya modo aighu ya Mghondi ghwa Sinai, ndemorewonieghe fwana ingi. Kwa huwo mkulindie mmbeni;

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

WUKUMBUSO 4:36

Orekusighieghe kusikire lwaka lwake kufuma mlungunyi, eri upate kukufundisha; ukakusigha kuwone modo ghwake m'baa andoenyi, na oho kukalusikira lwaka lwake kufuma modonyi.

WUKUMBUSO 4:33

Weko wandu wangi jingi wisikire mlungu ghungi ghukideda andenyi ya modo sena wikakaia moyo?

WAKOLOSAI 1:15

Kristo ni fwana ya Mlungu usewonekagha, nao ni wa imbiri kuvalwa wa ivo vilambo viumbilo vose.

MATHAYO 3:3

Johane nuo mlodi Isaya oreghorieghe malagho ghake ukighamba, “Lwaka lwa mndumu lwasikirika kireti, ‘Boisenyi chia ya Bwana, ghoruonyi mivori yake.’”

ISAYA 40:18

Idana, Mlungu kuchamfwananisha nani? Angu kwadima kughora wafwane wada?

ISAYA 40:6

Lwaka lwa mndumu lwaghamba, “Ghora malagho!” Nani ngakotia, “Nighora malaghoki?” “Ghora kukaia wadamu wose ni karakara na nyasi, na kuboa kwaro ni sa mboi ra mlambenyi.

ISAYA 40:3

Lwaka lwa mndumu lwasikirika: “Boisenyi chia ya BWANA aho kireti, ghoruonyi chia mbaa ikarenyi, kwa wundu ghwa Mlungu odu.

ISAYA 30:21

Kuchasikira lwaka lukighora nyuma yako, “Ola chia ni iyo, muinughe; ngelo mghalukagha mkonu ghwa kiwomi angu ghwa kiwaka.”

KUFUMA 20:22

BWANA ukamlaghira Musa uwizere wandu wa Israeli huwu: “Mwawona mmbeni seji Ini BWANA nadedanya nenyo kufuma mlungunyi.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MITALO 12:8

Nadaghora nao wushu kwa wushu, worinyi, si kwa kiviso anduangi; nao wawonagha fwana ya BWANA. Kwaki sena msereobuagha kughora kiwiwi aighu ya mdumiki wapo Musa?”

WAEBRANIA 12:19

lwaka lwa tarumbeta, na lwaka lwa uo oreghorieghe malagho; agho gherewibonyereghe wandu werekoghe wikighisikiria kuvoya angu wisechurilo malagho ghangi sena anduangi.

KUFUMA 19:9

BWANA ukamzera Musa, “Ola nichakuchea andenyi ya iwungu jikambie kira kudedanya na oho; wandu wipate kusikira ngidedanya na oho, nawo wikurumirie matuku ghose.” Niko Musa ukamghoria BWANA malagho gha awo wandu.

WUKUMBUSO 4:11

“Muwighorie wana wenyu seji morekaieghe kimusi aisi ya ugho mghondi ghorefinikiroghe ni iwingu jikambie, na ikungughu ja mosi na lumu lwa modo lukumbikagha cha mawingunyi.

WUKUMBUSO 4:13

Ukaghora nenyo seji iko suti mujiwadie ilaghano jake ijo oremlaghirieghe, iyo Memu Ikumi; ukaiandika aighu ya vishawalata viwi va magho.

WUKUMBUSO 9:10

BWANA ukanineka ivo vishawalata va magho viwi viandikilo na chala cha Mlungu; na aighu yaro koreandikiloghe malagho ghose agho BWANA oreghorieghe nenyo aighu ya mghondi aghadi ya modo, ijo ituku ja ikwanyiko.

WUKUMBUSO 10:4

Nao BWANA ukaandika aighu ya vija vishawalata va magho maandiko ghaja gheni sa ghaja gha imbiri, iyo Memu Ikumi; iyo oremnekieghe iji orededagha andenyi ya modo ituku morekwanyikieghe mghondinyi, ukanineka.