WUKUMBUSO 3:3 - Biblia Ilagho Jiboie Kwa Wandu Wose

³ “Kwa huwo, BWANA Mlungu odu ukadineka Ogu mzuri wa Bashani wori andwamweri na wandu wake wose; nesi dikawibwagha hata ndederesighieghe mndungi.

WUKUMBUSO 3:3 Referans Kwoze

MITALO 21:35

Kwa huwo wikam'bwagha andwamweri na wana wake, na wandu wake wose, hata ndeweresighieghe mndungi, wikawusa isanga jake.

JOSHUA 13:30

najo jerekoghe Mahanaimu, iko chiaimweri na Bashani; nigho wuzuri ghose ghwa Ogu mzuri wa Bashani, na mizi mirongo irandadu iko Jairi andenyi ya Bashani.

JOSHUA 13:12

nagho nigho wuzuri ghose ghwa Ogu ghorekoghe Bashani; uo nuo oresigharikieghe wa Warefai orekoghe ukibonya nguma aja Ashtarothi na Edrei. Musa orewisimieghe awa wandu ukawiwinga.

WUKUMBUSO 3:2

Ela BWANA ukanizera, ‘Kusakeobua, angu nakuneka uo, na wandu wake wose andwamweri na isanga jake; kum'bonye sa iji koni korem'bonyereghe Sihoni mzuri wa Waamori uo orekoghe Heshboni.’

WUKUMBUSO 3:4

Ngelo ija cheni, dikawada mizi yake yose mibaa; hata ndekuwadie muzi ghungi m'baa diserewisokieghe anduangi. Erekoghe mizi mirongo irandadu andenyi ya isanga jose ja Argobu; jerekoghe jikibonyerwa nguma ni mzuri Ogu wa Bashani.

WUKUMBUSO 4:47

Wikawada isanga jake na isanga ja Ogu mzuri wa Bashani; wazuri wawi wa Waamori, awo werekoghe wikikaia iichia cha mashariki Jordani nakimonu.

WUKUMBUSO 29:6

Ndemorekoghe na vindo veja, angu divei, hata chofi, ela BWANA oremnekieghe vindo eri mpate kumanya angu uo ni BWANA Mlungu onyu.

ZABURI 136:20

Na Ogu mzuri wa Bashani; lukundo lwake lukatie lwadua kwa kala.