WUKUMBUSO 21:5 - Biblia Ilagho Jiboie Kwa Wandu Wose

⁵ Wakohani walawi wichacha aho wokoni; kwa kukaia BWANA Mlungu onyu wawisaghue wimdumikie na kufunya irasimio kwa irina jake, nawo wikadumbua malagho aighu ya mwandu ghungi, niko koni ikaiagha.

WUKUMBUSO 21:5 Referans Kwoze

1 MALAGHO GHA NGELO 23:13

Wana wa Amramu werekoghe: Haruni, na Musa. Haruni oresaghuloghe uviwike wakfu vilambo va wueli kuchumba na kufukira marumba imbiri ya BWANA, na kumdumikia na kufunya irasimio matuku ghose.

MALAKI 2:7

Ni kazi ya mkohani kufundisha malagho gha loli gha Mlungu. Yawifwana wandu wighendeghe kwa mkohani, wipate kufundishwa sharia rapo angu uo ni mdumwa wa BWANA Uwadie-Ndighi-Rose.

WUKUMBUSO 10:8

Ngelo ija, BWANA oresaghueghe kichuku cha Lawi widukeghe Sanduku ya Ilaghano ja BWANA; widumikeghe imbiri ya BWANA, na kufunyagha irasimio kwa irina jake hata idime.

WUKUMBUSO 19:17

wandu wose wawi wichaghenda kwa wakohani na watanyi wiko kazinyi ngelo iyo, na kuwikwa imbiri ya BWANA.

WUKUMBUSO 18:5

Angu BWANA Mlungu onyu wasaghue kichuku cha Lawi chibonye wudumiki ghwa wukohani kwa kala na kala.

WALAWI 9:22

Nao Haruni ukawighalukia wandu ukawusira mikonu yake nokoighu, ukawirasimia; ukasea kufuma aja orefunyiragha vizongona kwa wundu ghwa kaung'a, na vekora, na va mapatano.

WUKUMBUSO 21:4

Nawo wichasea nayo cha vololonyi iko na machi gha moda ghiseomagha, iselimilo hata kuwalwa; na aho wichainyighara singo.

EZEKIELI 42:13

Niko uo mundu ukanizera, “Vumba viko chia ya kaskazinyi, na vumba viko chia ya kusinyi kulangaya cha wazenyi ni va wueli, aho niko awo wakohani wikaiagha imbiri ya BWANA, wichaaja agho mafunyo gha vizongona va wueli vichumbie, na aho niko wandu wichaakaia wikifunya agho mafunyo gha wueli ghichumbie vizongona va viro, vizongona kwa wundu ghwa kaung'a, na vizongona kwa wundu ghwa wuwiwi; angu andu aho ni kwa wueli.

EZEKIELI 44:24

Kukakaia na nganyi ingi wandunyi, Wakohani wichatanya maza iro kunughana na sharia rapo. Wichawadia malaghiro ghapo na aighu ya ndima rapo rose riwikilo, na kurielesha Sabato rapo.

2 MALAGHO GHA NGELO 19:10

ngelo yose wanyinyu wikareda malagho kufuma mizinyi kwawo, ghebwagha, angu gha Sharia, angu memu, angu malaghiro, angu mawiko, muchawiwonyera; eri wisechebonya ikosa jingi imbiri ya BWANA, uchem'bonyera machu inyo na wanyinyu. Mkabonya huwo ndemchaakosa.