WUKUMBUSO 2:7 - Biblia Ilagho Jiboie Kwa Wandu Wose

⁷ “BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 2:7 Referans Kwoze

LUKA 22:35

Nao Jesu ukawizera wanughi wake, “Iji neremdumieghe msedwae kikuchu angu mfuko angu vadu, moresowieghe kindo chingi?” Wikatumbulia, “Hata.”

NEHEMIA 9:21

Korewinekieghe kula kilambo kwa miaka mirongo ina nguwo rawo ndererefueghe, hata maghu ghawo ndegherevimbieghe anduangi,

WUKUMBUSO 29:5

Namlongozere miaka mirongo ina kireti; ndemchefuilwa ni nguwo, hata vadu venyu.

ZABURI 31:7

Nichaboilwa na kuzuma kwa wundu ghwa lukundo lwako lukatie, angu oho kwawonie makorongo ghapo, kukamanya wasi ghwapo;

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

ZABURI 90:17

Wucha ghwako ndeghukaie aighu kodu ee BWANA Mlungu odu, kurimangishe kazi redu; hee, iro kazi diribonyagha kurimangishe.

KUZOYA 26:12

Isaaka ukawa vindo andenyi ya isanga jija, na ugho mwaka ghoni ukakuwida mando ighana kuchumba seji orewaeghe. BWANA ukamrasimia,

KUZOYA 24:35

BWANA wamrasimie bwana wapo kwa wungi ukawuya mzuri wa mali, nao wamnekie ng'ondi, mfugho, feza, na dhahabu, na wadumiki wa womi na wa waka, ngamila na punda.

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

KUZOYA 39:5

Hata nyuma ya Josefu kuwikwa ukaie m'baa wa vilambo na nyumba yose ya Potifa, BWANA ukairasimia ija nyumba ya Mmisri kwa wundu ghwa Josefu, irasimio ja BWANA jikakaia aighu ya vose orekoghe navo, nyumbenyi na mbuwenyi wori.

JOHANE 10:27

Ng'ondi rapo radasikira lwaka lwapo, nani nariichi, naro raninugha.

ZABURI 1:6

BWANA wadawighenja wahachi, ela wawiwi wichatoteshwa.

KUZOYA 30:27

Ela Labani ukamzera, “Leka nighore ilagho jimu. Namerie kumanya putu angu BWANA oonirasimia kwa wundu ghwako.

MITALO 14:33

Wana wenyu wichalisha kireti miaka mirongo ina, nawo wichaja wasi kwa kulegha kurumiria konyu hata mundu onyu wa kutua wasaghia kireti.

MITALO 14:34

Mchaduka msigo ghwa ikosa jenyu kwa miaka mirongo ina kara kara na seji moreghendieghe mkajizighana isanga kwa matuku mirongo ina; kula ituku mwaka mlazi, nenyo mchamanya seji nizamilo!

MITALO 32:13

Na BWANA ukajokwa ni machu aighu ya wandu wa Israeli, na kuwibonya wimare-mare kireti miaka mirongo ina, hata icho kivalwa chose cherebonyereghe mawiwi, chikasia.

WUKUMBUSO 1:19

“Niko dikazoya charo kufuma Mghondi ghwa Sinai, dikaghenda imbiri sa iji koni BWANA Mlungu odu oredilaghirieghe; dikaida chija kireti chose cheobosha morechiwonieghe dikidamba cha isanga ja mighondinyi ja Waamori, dikacha Kadesh-barnea.

WUKUMBUSO 1:46

“Nenyo morekaieghe Kadeshi luma; matuku mengi nandighi.

WUKUMBUSO 2:6

Mchaghua vindo vose kwa pesa kufuma kwawo mpate kuja, na machi wori mchaghua kwa pesa kufuma kwawo mpate kunywa.’

WUKUMBUSO 2:14

Kufuma difumie Kadesh-barnea hata kuruwuka kamoda ka Zeredi, erekoghe miaka mirongo idadu na wunyanya; hata kivalwa chose cha wandu weghenda wudenyi chikasia putu kambinyi sa iji koni BWANA orekoghe wawighemia.

JOSHUA 5:6

Kwa kukaia wandu wa Israeli werekoghe wikidamba kireti kwa miaka mirongo ina; hata mbari yose, awo wandu wa wuda werefumieghe Misri, wikatota; angu ndewerelusikireghe lwaka lwa BWANA, hata ukaghema angu ndewichaajiwona jija isanga BWANA orewilaghirieghe weke ndee kukaia uchadineka; isanga jinorie na ndighi.

ZABURI 107:4

Wamu werekoghe wikimara-mara a ikarenyi, hata ndewerewonieghe chia eghenda mzinyi andu kokaia.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

HOSEA 13:5

Na ini nerekulindiagha iji korekoghe kireti, ijo isanga jiomie.

AMOSI 2:10

Sena neremfunyireghe isanga ja Misri, ngamlongoza kireti miaka mirongo ina, na kumneka isanga ja Waamori.

KUZOYA 39:3

Nao Potifa ukawona angu BWANA orekoghe andwamweri na Josefu kwa seji BWANA orekoghe ukirasimia ghose gherebonyeroghe ni mikonu yake.

KUFUMA 16:35

Wandu wa Israeli wikaja ija mana kwa miaka mirongo ina hata wikavika wandunyi, wikaija hata wikavika mpakenyi ghwa isanga ja Kanaani.

MITALO 1:1

Ituku ja imbiri ja mori ghwa kawi, mwaka ghwa kawi nyuma ya kufuma isanga ja Misri, BWANA ukaghora na Musa aho kireti cha Sinai andenyi ya Hema ekwania ukighamba,

MITALO 22:12

Mlungu ukamzera Balaamu, “Kuseghendanye nawo, ndekudimagha kuwiwasira awo wandu njowe, angu ni wandu wirasimilo.”

WUKUMBUSO 29:4

Ela hata idime, BWANA waduagha usemnekie akili retambukilwa, angu meso ghewona, angu madu ghesikira.