WUKUMBUSO 2:4 - Biblia Ilagho Jiboie Kwa Wandu Wose

⁴ Ukanilaghira nimzere, ‘Moko kaavui kuida ghadi na ghadi ya isanga ja wanyinyu kivalwa cha Esau, awa wikaiagha Seiri, nawo wichamuobua. Kwa huwo mkulindie nandighi

WUKUMBUSO 2:4 Referans Kwoze

WUKUMBUSO 23:7

“Kusakezamilwa ni Muedomu angu ni mwanyinyu. Kusakezamilwa ni Mmisri, angu korekoghe mghenyi omara-mara isangenyi kwake.

KUFUMA 15:15

Idana wabaa wa Edomu wichangilwa ni kiture, vilongozi va Moabu vawadwa ni kusughusika. Awo wose wikaiagha Kanaani wateweleka.

WAKOLOSAI 4:5

Mkaie na hikima kwa awo wandu wiserumirie, mkitumia ngelo nicha.

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAEFESO 5:15

Idana manyenyi seji mghendagha, si sa wandu wisewadie suku anduangi, ela sa wandu wiwadie suku;

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

MATHAYO 5:16

Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.

KUZOYA 25:23

BWANA ukamtumbulia ukaghamba, “Mbari iwi reko kifunyi kwako, na vichuku viwi kuvivagha vichawaghika; chimu chichakaia na ndighi kuchumba mmbao, na uo m'baa uchamdumikia uhu mtini.”

KUZOYA 36:8

Kwa huwu Esau, (nuo Edomu), ukakaia mighondinyi isanga ja Seiri.

KUFUMA 15:16

Kiture na wowa vangia andenyi kwawo; kwa wundu ghwa kudima kwa mkonu ghwako, wakaia kima sa igho; hata wandu wako wameria kuida ee BWANA, hata wandu wako waida, awo korewighueghe.

WUKUMBUSO 2:3

kukaia daghumara ughu mghondi luma koni, dighaluke cha kaskazinyi.