WUKUMBUSO 17:2 - Biblia Ilagho Jiboie Kwa Wandu Wose

² “Mndungi ukawoneka aghadi konyu ubonyagha mawiwi imbiri ya BWANA Mlungu onyu kwa kunona ilaghano jake andenyi ya imu ya mizi yenyu iyo BWANA Mlungu umnekagha, ukaiagha wa womi angu wa waka,

WUKUMBUSO 17:2 Referans Kwoze

HOSEA 8:1

BWANA waghamba, “Kabenyi tarumbeta! Wamaiza waawuyangia isangenyi japo sa indu! Wandu wapo wajichikanyire ilaghano nibonyere nawo, na kughilegha mafundisho ghapo.

WATANYI 2:20

Kwa huwo, BWANA ukajokwa ni machu aighu ya Waisraeli ukaghamba, “Kwa kukaia wandu awa wajisigha ilaghano japo nerewilaghirieghe weke ndee, nawo walegha kulusikira lwaka lwapo,

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

2 WAZURI 18:12

Maza iri rerebonyekieghe angu Waisraeli wereleghieghe kumsikira BWANA Mlungu wawo, wikabonya makosa ghesigha malaghano ghake, hata sharia rose rerenekeloghe Musa mdumiki wa BWANA; wikalegha putu kurisikira na kuribonya.

JOSHUA 23:16

ikakaia mwajichikanya ilaghano jake ijo oremlaghirieghe, nao mfume kuidumikia milungu mizima na kuighoghomia, aho niko BWANA uchajokwa ni machu aighu yenyu, nenyo mchatota shwa wori na kusoweka andenyi ya ijo isanga jiboie oremnekieghe.”

JOSHUA 7:15

Uo mundu uchaafunukulwa uko na ivo vilambo, uchakorwa chiaimweri na kula kilambo chake, kwa kukaia wajichikanya ilaghano ja BWANA kwa kubonya ilagho ja waya andenyi ya Israeli.”

JOSHUA 7:11

Israeli wabonya kaung'a, waghichikanya malaghiro ghapo nerewilaghirieghe wighiwadie; wawusa vilambo vimu venonwa; wabonyere mikalo na kuviiwa, nawo waviranganya na vilambo vawo.

WUKUMBUSO 17:5

mumrede uo mundu angu uo muka ubonyere ilagho ijo iwiwi mbengenyi, na kumlasa na magho hata ufo.

EZEKIELI 16:38

Nichakutanya kara kara na awo waka wilakagha wiko wilowolo, na kubwagha; kwa wundu ghowadwa ni iriso na kujokwa ni machu ghibirie, nichakutanya kubwagho.

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

WUKUMBUSO 31:20

Kwa kukaia ngameria kuwingira ijo isanga jinorie, nerelaghirieghe kuwineka weke ndee, na iji waja wikaghuda na kubanda, wichaghaluka na kuitasa milungu mizima; wichanimenya na kujinona ilaghano japo.

WUKUMBUSO 29:25

Na wandu wichatumbulia, ‘Ni angu wandu waro werejisighieghe ilaghano ja BWANA, Mlungu wa weke ndee, ijo orebonyereghe nawo iji orewiredieghe kufuma isanga ja Misri.

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

WUKUMBUSO 4:23

Mkulindie, msecheliwa ilaghano ja BWANA Mlungu onyu, ijo orebonyereghe nenyo, nao m'bonye fwana riwachilo rifwanane na kilambo chingi icho BWANA Mlungu onyu umkanie.

WALAWI 26:25

Nichamredia wuda nipate kulipia kisasi kwa wundu ghochikanya ilaghano; hata mkakukwanya chiaimweri kukulindia andenyi ya mizi yenyu, nichamredia makongo ghiserighitikagha, hata mdime mwakufunya kwa wamaiza wenyu.

WALAWI 26:15

na kuleghatala sharia rapo na kuzamilwa ni malaghiro ghapo, hata mlemo ni kurikatisha na kuchikanya ilaghano japo,

WAEBRANIA 10:28

Mundu ukainona Sharia ya Musa, wadabwaghwa kuseko wughoma kwa wushuhuda ghwa wandu wawi angu wadadu.

KUFUMA 22:20

“Mundu uo ose uchaafunyira milungu mizima vizongona isaakaia ni kwa BWANA moni, utotesho putu.

2 WAZURI 21:3

Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

AYUBU 31:28

Ugho wori ni wuwiwi ghofunyirwa ikabo ni watanyi; kwa kukaia nadasowa wuloli kwa Mlungu-Uko-Aighu.

JEREMIA 34:18

Na awo wandu wijikosere ilaghano japo kwa kulemwa ni kuwadia seji werejibonyereghe imbiri kwapo, nichawibonya wifwanane na ija ngache wereidumbueghe ghadi na ghadi na kuidia aghadi yaro;

KUFUMA 22:19

Mundu uo ose ulalagha na nyamandu ubwagho.

WALAWI 20:2

“Zera wandu wa Israeli huwu, Mndungi wa wandu wa Israeli, angu mghenyi uko aghadi konyu, ukafunya wana wake kwa mlungu Moleki, uchalaswa na magho ni wandu wa Israeli hata ufo.

WATANYI 6:31

Ela Joashi ukawizera awo wandu wose werekoghe wikisimana nao, “Wele muasimana aighu ya Baali? Angu muamdederia? Uo ose umdederiagha uchabwaghwa kesho. Ikakaia uo ni mlungu, ndekudederie moni angu madhabahu yake yachikanywa.”