WUKUMBUSO 13:6 - Biblia Ilagho Jiboie Kwa Wandu Wose

⁶ “Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

WUKUMBUSO 13:6 Referans Kwoze

2 PETRO 2:1

Ela na walodi wa tee wori werewukieghe aghadi ya wandu, sa iji koni kuchaakaia na walimu wa tee aghadi konyu, awo wichaareda kwa kiviso mafundisho gha tee ghenona, hata kumkana uo Bwana orewighueghe; nawo wichakuredia weni kutota kwa shwa-shwa.

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

MAKATANISHO 18:24

Weko waghenyi wikubonyagha weni kukaia waghenyi, ela oko mghenyi wa kaavui uchumbie mruna mundu.

WUFUNUO 20:3

na kumkumba kinenyi; ukachirugha na kukaba muhuri aighu yake, eri usepate kuwikalia wandu wa iro mbari sena, hata miaka elfu yasia. Konyuma suti ufungulo kwa ngelo ndini.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

1 SAMUELI 20:17

Nao Jonathani ukamghemesha Daudi sena, aighu ya ilaghano jekundana werejibonyereghe; kwa kukaia oremkundieghe seji koni ukukunde moni.

1 SAMUELI 18:3

Nao Jonathani ukabonya ilaghano na Daudi, kwa kukaia oremkundieghe seji ukukunde moni.

1 SAMUELI 18:1

Nyuma ya Daudi kudedanya na Sauli, ngolo ya Jonathani ikawadana na ya Daudi, nao ukamkunda seji ukukunde moni.

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

WUKUMBUSO 28:54

Na mundu umoni ulelelo kwa ishima aghadi konyu, uchaima mruna vindo, na mkake wikundane na wana wake wasighwanya nawo,

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WAKOLOSAI 2:4

Naghora huwu, eri mndungi usemkalie kwa madedo gha wukalo.

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

2 WAKORINTHO 5:16

Kwa huwu kufuma idana, ndedimmanyagha mndungi kwa kunugha seji uwonekagha anduangi; hata ngera deremmanyireghe Kristo kunughana na seji orekoghe ukiwoneka, ndediduagha dikimmanya huwo anduangi.

AYUBU 31:27

Ndeviniririe ngolonyi kwapo, hata kususugha mkonu ghwapo ngivitasa.

WATANYI 10:6

Wandu wa Israeli wikam'bonyera BWANA kaung'a sena; wikawidumikia weke Baali na Ashtarothi, chiaimweri na milungu ya Siria, na Sidoni, ya Moabu na ya Waamoni, na milungu ya Wafilisti, wikamsigha BWANA hata ndeweremdumikieghe anduangi.

WATANYI 5:8

Iji Waisraeli wereisaghueghe milungu ya kighenyi, na wuda ghukacha hata mbengenyi; mwawonie mndungi wawada ngao angu ifumu aghadi ya wandu elfu mirongo ina wa Israeli?

WATANYI 2:13

Wikasigha kumtasa BWANA, na kuidumikia milungu mizima, weke Baali na Maashtorethi.

KUZOYA 16:5

Nao Sarai ukamzera Abramu, “Ni oho kumoni kwashekeria ngamenywa. Nerekunekieghe mwai wapo wa kazi laghenyi kwako, nao wendawona wapata kifu, wakanimenya. BWANA moni ndetanye aghadi ya ini na oho.”

MAKATANISHO 5:20

Kwaki kunekagha muka mzima lukundo lwako mwanwapo? Kwaki kusaghuagha kubonyerwa lukundo ni muka wa mndumu?

2 SAMUELI 1:26

“Kwaniwawa nandighi mwanidu Jonathani Koreniboiagha nandighi, lukundo lwako cha kwapo lodeeka lwa mashiniko; nalo lwachumbie lukundo lwa waka.

WUKUMBUSO 13:2

na loli ikatie. Ukaghamba wei mnughe milungu mizima muitase, milungu mseiichi,

WUKUMBUSO 13:7

umu wawo wadima kukushashira muitase milungu mizima ya wandu wimmarie chia rose; ikaiagha weko kaavui nenyo angu kula nenyo;

2 MALAGHO GHA NGELO 15:13

na kukaia uo ose usemlolagha BWANA Mlungu wa Israeli ubwagho; ukakaia ni wa irika, angu mghosi; mndwawomi angu muka.

2 MALAGHO GHA NGELO 23:17

Wandu wose wikaghenda hekalunyi kwa Baali wikaivuchua, wikabara madhabahu na fwana raro, wikam'bwagha mkohani wa Baali uwangwagha Matani imbiri ya madhabahu.

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

ZEKARIA 13:3

Mndungi ukawoneka ukifunya wulodi sena, ndee na mae wimvae wichamzera, ni suti kufo angu kwawuyaghora tee kwa irina ja BWANA; ukafunya wulodi ndee na mae wimvae wichamdunga na ndagha.

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 32:27

Musa ukawizera, “BWANA Mlungu wa Israeli wafunya momu angu kula umu onyu uwade lufu lwake, ughende kambinyi kose kufuma mbenge hata mbenge, nao kula mundu ubwaghe mruna, na mghenyi wake, na mmbao.”

WUKUMBUSO 8:14

Mzighane msekukase na kumliwa BWANA Mlungu onyu, uo oremfunyireghe isanga ja Misri nyumba ya wuzumba.

WUKUMBUSO 11:32

mlindie kukatisha sharia rose na malaghiro, agho nimghoriagha idime.

WUKUMBUSO 17:12

Mundu ukang'eta, na kulegha kumsikira mtanyi angu mkohani uo udumikagha imbiri ya BWANA Mlungu wako, uchabwaghwa; na kwa chia iyo, mchainja wuwiwi kwa Israeli.

WUKUMBUSO 18:20

Ela uo mlodi ukubonyagha moni kughora ilagho japo nisemdumie, angu kughora kwa irina ja milungu mizima, suti ufo.’

WUKUMBUSO 19:19

moomneka adhabu icheni ukundeghe mruna uipate; na kwa chia iyo, mchainja ugho wuwiwi aghadi konyu.

WUKUMBUSO 21:21

Niko wandu wose wa muzi wichamlasa na magho hata ufo. Kwa chia iyo kuchainja wuwiwi aghadi kwako, na Israeli yose ichasikira na kuobua.

WUKUMBUSO 22:21

wichamfunya uo mwai mnyangonyi ghwa nyumba ya ndee, na wandu wa muzi ghwa kwawo wichamlasa na magho hata ufo; kwa kukaia wabonyere wukelu andenyi ya Israeli kwa kubonya wumalaya uko nyumbenyi kwa ndee. Na kwa iyo chia, mchainja ugho wuwiwi aghadi konyu.

WUKUMBUSO 24:7

Mundu ukawadwa ukiiwa mruna Muisraeli na kum'bonya mzumba, angu kumuuza, icho kitoi chibwagho. Na kwa chia iyo, mchaaghuinja ugho wuwiwi aghadi konyu.

JOSHUA 7:13

Wuka! Elesha awa wandu kuwizere wikueleshe weni kwa wundu ghwa kesho, angu BWANA Mlungu wa Israeli waghora, ‘Veko vilambo venonwa viko aghadi konyu ee Israeli, nenyo ndemchaadima kuwisima wamaiza wenyu, msaainja ivo vilambo venonwa viko aghadi konyu.’

WATANYI 20:13

Kwa huwo idana wifunyenyi awo wandu wa kisha wiko Gibea dipate kuwibwagha na kuinja wuwiwi kufuma Israeli.” Ela Wabenjamini ndewerekoghe tayari kusikira lwaka lwa waruna awo wandu wa Israeli anduangi.

1 WAZURI 18:40

Elija ukawizera, “Wadenyi awo walodi wa Baali; msemfufunushe ungi.” Wandu wikawiwada. Elija ukawighenja hata kamoda ka Kishoni, ukawibwagha.

2 WAZURI 11:18

Niko wandu wikangia andenyi ya hekalu ya Baali, wikaichikanya, na kunona-nona madhabahu na milimu; wikam'bwagha uja mkohani wa Baali Matani naimbiri ya iro madhabahu. Jehoiada ukawika walindiri welindia Hekalu kwa mazughe.

JEREMIA 28:15

Nao mlodi Jeremia ukamzera mlodi Hanania, “Sikira Hanania, BWANA ndekudumie kungi, na oho kwawibonya wandu awa wirumirie malagho gha tee.

JEREMIA 28:16

Kwa huwo BWANA waghamba huwu, ‘Ola nichakuinja kufuma ndoenyi. Kuchafwa ughu mwaka ghoni, kwa kukaia kwaghora malagho ghemlegha BWANA.’”