WUKUMBUSO 11:9 - Biblia Ilagho Jiboie Kwa Wandu Wose

⁹ Nenyo mpate kukaia moyo matuku mengi isangenyi ijo BWANA orewilaghirieghe weke ndeyo kukaia uchawineka chiaimweri na kivalwa chawo, isanga jinorie nandighi.

WUKUMBUSO 11:9 Referans Kwoze

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 6:2

Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

EZEKIELI 20:6

Ituku ijo nerewibonyereghe ighemi kukaia nichawifunya isanga ja Misri, niwighenje isanga nerewilolieghe nimoni; isanga jinorie nandighi, sena isanga jighokie kuchumba masanga ghose.

WUKUMBUSO 9:5

Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

MAKATANISHO 10:27

Kuobua kwa BWANA kwadachuria matuku; matuku gha mmbiwi ni matini.

MAKATANISHO 9:11

Kwa chia yapo matuku ghako ghichakaia mengi, na miaka ya irangi jako ichachurikia.

MAKATANISHO 3:16

Hikima yadakuneka matuku mengi; na mali na ishima.

MAKATANISHO 3:2

Mafundisho ghapo ghichakubonya kuduo luma, na kukubonya kuwone nicha.

WUKUMBUSO 6:18

Na oho kubonye ijo jiko ja hachi jiboie imbiri ya BWANA, kupate kuwona nicha na kujiwusa isanga jiboie ijo BWANA orewilaghirieghe weke ndeyo kukaia uchawineka,

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

WUKUMBUSO 8:7

BWANA Mlungu onyu waawuyamghenja isanga icha; isanga ja meda ya machi, na ja mariso na ndoria ra machi ghiseagha vololonyi na mighondinyi.

WUKUMBUSO 11:10

Angu ijo isanga mngiagha kujiwada ndejifwanane na isanga ja Misri aho mfumie; andu morekoghe mkiwa mbeu na kurinyoshera machi sa mbuwa ya mbogha;

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 6:3

Kwa huwo sikira ee Israeli, kulindie kughibonya, kupate kuwona nicha na kuchurikia nandighi isangenyi jinorie, sa iji koni BWANA Mlungu wa weke ndeyo ukulaghirie.

WUKUMBUSO 11:21

eri matuku ghenyu na gha wana wenyu ghipate kuchurikia isangenyi ijo BWANA orewilaghirieghe weke ndeyo kukaia uchawineka; wikaie aho matuku ghose mlungunyi kukikaia naighu ya ndoenyi.